الماتىعا جاقىندا قوسىلعان ەلدٸمەكەمەندەردٸڭ تۇرعىندارى ەلەكتر ەنەرگيياسىنا شامادان تىس قىمبات اقشا تٶلەپ كەلەدٸ. ولاردىڭ مەسەلەسٸ جاقىن ارادا شەشٸلەتٸن بولدى.
بۇل تۋرالى الماتىدا ٶتكەن بريفينگ بارىسىندا قالالىق ەنەرگەتيكالىق تيٸمدٸلٸك پەن ينفراقۇرىلىمدىق دامۋ باسقارماسىنىڭ باسشىسى ەسەت ماساباەۆ ايتتى, دەپ حابارلايدى "ۇلت اقپارات".
ونىڭ ايتۋىنشا, قالا ەكٸمٸ باقىتجان ساعىنتاەۆتىڭ تاپسىرماسىمەن جاڭادان قوسىلعان ەلدٸمەكەندەردٸ ەلەكتر قۋاتىمەن ساپالى قامتاماسىز ەتۋ قولعا الىنعان. «تەۋەلسٸزدٸك العالى بەرٸ 30 جىل ارالىعىندا ساياجاي تۇرعىندارى ٶز كٷشٸمەن ەلەكتر جەلٸلەرٸن جٷرگٸزٸپ, ترانسفورماتور قويعان. بٸراق قازٸر ونىڭ بارلىعى ەسكٸردٸ. ترانسفورماتورلار جەكەلەگەن مەكەمەلەر مەن كەسٸپكەرلەردٸڭ اتىندا بولعان. تاريفتەر ەرتٷرلٸ بولدى. وسى مەسەلەنٸ شەشۋدٸ باقىتجان ساعىنتاەۆ تاپسىرعان بولاتىن. الدىڭعى جىلى «الاتاۋ جارىق كومپانيياسى» اق بٸرلەسە وتىرىپ, 544 مەكەنجاي بويىنشا ەلەكتر جەلٸسٸن كوممۋنالدىق مەنشٸككە قابىلدادىق. ونىڭ ٸشٸندە 164 ترانسفورماتور, 756 ەلەكتر جەلٸسٸ بار», - دەدٸ ول.
باسقارما باسشىسى جەكە دەربەس شوت اشۋدىڭ تەرتٸبٸن دە تٷسٸندٸرٸپ كەتتٸ.
«بٸراق ازاماتتارىمىزعا تٷسٸنٸكتٸ بولۋى ٷشٸن كەلەسٸ شارتتاردى ورىنداۋ كەرەك. دەربەس ەسەپشوت اشۋ ٷشٸن تەحنيكالىق شارت الۋعا تيٸسپٸز. تەحنيكالىق شارت الۋ ٷشٸن ەر تۇتىنۋشىدا ٶز ەسەپتەۋ قۇرالدارى, ٷيدٸڭ جانىنداعى باعانداعى ەلەكتر جەلٸلەرٸن (3 مەتر 10 مەتر اراسىندا) اۋىستىرۋ جاڭارتۋ تالاپتارى بولادى. «الماتى جارىق كومپنايياسى» اق باعىناتىن 7 اۋداندا 7 مەكەمە بار. «اجك» اق رەسمي سايتىندا بارلىق مەلٸمەت تۇر. سولاردىڭ مەكەنجايىنا حابارلاسا وتىرىپ, ارىز جازىپ, 5 كٷننەن سوڭ تەحنيكالىق شارت الاسىزدار. ونى ورىنداعان سوڭ «اجك» اق بارلىق قۇجاتتى «الماتى ەنەرگوسبىت» اق اۋدارىپ, جەكە شوت اشادى. سودان سوڭ ساياجاي تۇرعىندارى دا ەلەكتر ەنەرگيياسىن 17 تەڭگەلٸك تاريفپەن تٶلەي باستايدى», - دەدٸ ول.
