Foto:Pavlodarnews.kz
Ekibastuz qalasynyń ákimdigi "Ekibastuzjylýenergo" JShS-in sotqa berdi, - dep habarlaidy Pavlodarnews.kz saity.
Belgili bolǵandai, azamattyq is oblystyq mamandandyrylǵan aýdanaralyq ekonomikalyq sotta qaralyp jatyr. Qala basshylyǵy kásiporynnan apat saldaryn joiýǵa bólingen qarjyny óndirip almaqshy ekeni atap ótildi.
Resmi málimetterge sáikes, 2022 jyldyń 28 qarashasy men 8 jeltoqsany aralyǵynda Ekibastuz JEO men jylý jelilerindegi apatqa bailanysty qalada tehnogendik tótenshe jaǵdai jariialanǵan.
"Onyń saldaryn joiý úshin jergilikti biýdjettiń tótenshe rezervinen 22 million teńgeden asa qarajat bólindi. Ol janar-jaǵarmai, ystyq tamaq, jatatyn orynmen qamtamasyz etý úshin ketti", - dep jazdy Pavlodarnews.kz.
Qalalyq prokýratýranyń usynysy boiynsha kásiporynǵa atalǵan shyǵyndardy óteý týraly talap aryz joldanǵan.
"Ekibastuzteploenergo" JShS materialdyq shyǵyndy óteýden bas tartty. Qalalyq ákimshilik sot protsesi aiaqtalmaǵanyn habarlady", - dep jazady basylym.
