Meditsina ǵylymynyń doktory, densaýlyq saqtaý júiesi ardagerleri keńesiniń tóraǵasy Qadyr Omarov vaktsinanyń mańyzy týraly aitty, dep habarlaidy QazAqparat.
Meditsina ardageriniń aiýynsha, qazir búkil álem koronavirýspen kúresip jatyr.
«Qazir koronavirýs aýrýy órship, virýs juqtyrǵandar sany kún sanap artyp barady. Elde de, kórshi memleketterde de aýrýǵa qarsy kúreske kóp kúsh jumsalyp jatyr. Úkimet tarapynan vaktsinatsiiaǵa qomaqty qarjy bólinýde. Qoǵamda bul qaterli dertpen kúresýde. Desekte, koronavirýsqa qarsy ekpe saldyryp jatqandar az. Kóp adamdy áli vaktsinatsiiadan ótkizýimiz qajet», - deidi Qadyr Omarov.
Sonymen qatar, ol bul derttiń betin tek vaktsina qaitaratynyn jetkizdi.
«Biz kópti kórgen adambyz, 50 jyldan astam meditsina salasynda júrmiz, kezinde vaktsina arqyly kóptegen aýrýlardy jeńgenbiz, biz indetti qalai jeńe alatynymyzdy bilemiz. Bizde quqyq jaily sóileitin, teledidarda jáne ǵalamtorda «vaktsinany alýǵa da, almaýǵa da bolady», dep aitatyn talai blogerler bar. Endi, biz óz elimizge, qazaq halqyna aitqymyz keledi: «biz vaktsina alýymyz kerek. Iia, sizdiń vaktsina almaýǵa tolyq quqyǵyńyz bar, alaida siz áke-shesheńizdi, balalaryńyzdy, týystaryńyzdy oilaýyńyz kerek. Vaktsina - bizdiń bolashaǵymyz, bizdiń densaýlyǵymyz» - dep qosty meditsina ǵylymynyń doktory.
Tájirbieli meditsina mamany vaktsina aýrýǵa qanshalyqty tótep bere alatynyn tilge tiek etti.
«Qazirgi kúnde barlyq aýrýǵa qarsy tura alatyn vaktsina joq. Biz qazir berilip jatqan vaktsinany saldyrýmyz kerek, sebebi, ol qazirgi shtamdarǵa kúshi jetedi. Al erteńgi bolatyn ózgerister - ol biologiia, ol tabiǵat. Múmkin eki jyldan soń jańa vaktsina jasalatyn shyǵar, biz ony bilmeimiz. Ony ýaqyt kórsetedi. Biraq búgin biz osy koronavirýsqa qarsy em alýymyz kerek. Qajet bolsa ekinshi ret alamyz. Biz talai aýrýdy osylai jeńgenbiz, erteńgi kúni osy aýrýdy da jeńe alamyz»,- dedi spiker.
