Shyǵys Qazaqstan oblysynda meshitterde Qadir túni ótkizilmeidi, dep habarlaidy "Ult aqparat".
Bul týraly Qazaqstan musylmandar dini basqarmasynyń Óskemen aimaǵy boiynsha bas imamy Ermek Muqatai baspasóz máslihaty barysynda málim etti.
Óz sózinde ol indettiń aldyn alý maqsatynda biyl Qadir túnin otbasymen birge úide ótkizýge keńes berdi.
«Búkil álem aýyr synaqty bastan keship jatyr. Koronavirýs elimizdegi keibir dini sharalardyń ótýine aitarlyqtai keri áserin tigizdi. Desek te, qaýipti dertti birge jeńýimiz kerek. Ol úshin shekteý sharalaryn qatań saqtaýǵa shaqyramyn. Pandemiiaǵa bailanysty biyl Qadir túnin meshitte ótkizbeitin boldyq. Sondyqtan ýaǵyzdy onlain aitamyz», - dedi Ermek Muqatai.
Onyń aitýynsha, osydan bylai óńir meshitterinde karantin talaptaryn saqtai otyryp juma namazyn oqýǵa ruqsat etilgen.
«Erteńnen bastap meshitterde juma namazyn oqýǵa bolady. Virýs órshýiniń aldyn alý maqsatynda juma namazy meshit aýlasynda oqylady. Meshitke kelýshilerde mindetti túrde maska men qolǵap bolýy kerek. Sonymen qatar dáretti úiden alyp shyǵyp, múmkin bolsa ózderińizben birge jainamaz ala kelýdi suraimyz», - dedi bas imam.
