AQSh áskeri Kabýldan tolyq shyǵyp ketkennen beri alǵash ret beisenbi kúni ushaq ushty.
"Taliban" qozǵalysynyń jańadan jasaqtalǵan úkimeti 200 shetel azamatyna ushyp ketýge ruqsat bergen. Olardyń teń jartysy - AQSh azamattary. Ushaq Katar astanasy Dohaǵa ushqan.
Aita keteiik, amerikalyq kontingent Kabýl áýejaiynan 30 tamyzda ushyp ketken. Amerika áskeri 120 myń adamdy shyǵaryp alǵan.
"Taliban" qozǵalysy Aýǵanstanda qalyp qoiǵan shetel azamattaryna elden ketýge kedergi keltirmeimiz dep ýáde bergen.
Ázirge Aýǵanstandy basyp alǵan tálipter biligin eshbir el moiyndamai otyr. Biraq batys elderi, sonymen birge Ortalyq Aziia elderiniń basshylary dialogqa daiyn ekenin aityp keledi.
