Sársenbi kúni Kabýl qalasyndaǵy bas prokýrordyń keńsesi mańaiynda qatty jarylys boldy. Bul týraly Aýǵanstannyń Ariana News telearnasy jariialady, dep habarlaidy "Ult aqparat".
Qolda bar málimet boiynsha, jarylys Darýl-Aman kóshesinde bolǵan. Jarylǵysh qurylǵy mototsiklge ornatylýy múmkin.
Jergilikti politsiia atalǵan aýdanda jarylys bolǵanyn rastady jáne oqiǵa saldarynan qurbandar bolýy múmkin ekenin joqqa shyǵarmady. Ázirge jarylystan zardap shekkender men qurbandar týraly naqty derekter joq.
