Qazaqstan kásiptik odaqtarynyń federatsiiasy elimizde 5 shildeden bastap jariialanǵan karantin sharalaryna qatysty úndeý jasady, – dep habarlaidy «Ult aqparat».
Úndeýdiń mátini mynadai:
«Qazaqstan Respýblikasynyń Konstitýtsiiasynda adam jáne onyń ómiri memlekettiń joǵary qundylyqtary dep kórsetilgen. Qalyptasqan qolaisyz epidemiologiialyq jaǵdai birinshi kezekte bizden, osy qaýipti indettiń taralýyna qarsy turý isinde jeke jaýapkershilik pen jalpyǵa ortaq yntymaqtastyqty talap etedi. Áńgime bizdiń azamattarymyzdyń – balalar, ata-analar, dostarymyz jáne jaqyndarymyzdyń ómiri men densaýlyǵy týraly bolyp otyr.
Osyǵan bailanysty biz, Qazaqstan Respýblikasynyń Kásipodaqtar federatsiiasy Memlekettik komissiia jariialaǵan qatań shekteý sharalaryn tolyq qoldaimyz jáne olardy iske asyrýǵa belsendi qatysýǵa daiyn ekenimizdi bildiremiz. Elimizde tótenshe jaǵdai jariialanǵan alǵashqy kúnderden bastap QRKF halyq pen memleketke qoldaý kórsetip keledi. Alǵashqy qadamdardyń biri karantinge jiberilgen adamdardy ornalastyrý úshin kásipodaq aktivterin usyný týraly bastama boldy. Kásipodaq uiymdarynyń «shuǵyl bailanys jelileri» men jedel shtabtary eńbek qatynastary salasyndaǵy zańbuzýshylyqtarǵa turaqty monitoring júrgizýge múmkindik berdi.
QRKF kásipodaqtar birlestikteri KVI-men kúreske jumyldyrylǵan meditsina qyzmetkerleri men kásipodaqtar múshelerine jeke qorǵanys quraldaryn, birinshi qajettiliktegi taýarlardy satyp alý úshin materialdy kómek kórsetýde. Árine, kásipodaq uiymdary infektsiia taralǵan ýaqyttan bastap jumys berýshilerdi sanitarlyq normalardy saqtaýǵa jáne óz qyzmetkerlerin jeke qorǵaný quraldarymen, sanitarlarmen qamtamasyz etýge, áleýmettik qashyqtyq úshin jaǵdai jasaýǵa shaqyrdy.
Búgin biz barlyq kásiporyndardyń basshylary men eńbek ujymdaryna júginip qana qoimai, ár jumys berýshiniń Eńbek adamynyń ómiri men densaýlyǵy úshin joǵary jaýapkershiligi týraly aitamyz. Biz jumys oryndarynda qatań sanitarlyq normalardyń saqtalýyn jáne eńbek qaýipsizdigin qamtamasyz etý jaǵdailaryn qoǵamdyq baqylaý quqyǵyn ózimizge qaldyramyz. Adamdar jumys berýshiler tarapynan jaýapsyz jáne nemquraily qarym-qatynastyń qurbany bola otyryp, ózderin jáne jaqyndaryna qaýip tóndirmeýge tiis.
Búginde oryn alǵan jaǵdai búkil qoǵam úshin naǵyz synaq boldy jáne jumys berýshilermen qatar, jumysshylardan yntymaqtastyqty jáne múmkindiginshe úilesimdi is-qimyldardy talap etedi. Iaǵni, jumysshylar óz densaýlyqtary úshin ǵana emes, sondai-aq ainalasyndaǵy adamdardyń da densaýlyǵy úshin joǵary jaýapkershilikke ie. Qazir memleket úshin kúrdeli kezeń. Sondyqtan, barlyǵymyz qaýip-qaterdiń aldynda birigýimiz kerek jáne biz neǵurlym qiyn synaqtar men tarihtyń syn-qaterlerin jeńgen birtutas halyq, birtutas el ekenimizdi umytpaýymyz kerek.
Sondyqtan da, biz búkil qoǵamnyń birikken kúsh-jigeriniń arqasynda osy qiyndyqty jeńetindigimizge jáne jyldan-jylǵa barlyq qazaqstandyqtardyń áleýetin arttyryp, laiyqty bolashaqqa degen baǵdarymyzdy jalǵastyratyndyǵymyzǵa senimdimiz».
