Jusan Bank pen ATFBank aktsionerleriniń birlesken jalpy jinalysynda ATFBanktiń Jusan Bank-ke qosylýy týraly sheshim qabyldandy, dep habarlaidy "Ult aqparat".
«Qosylý nátijesinde Jusan Bank aktivter men kapital kólemi boiynsha Qazaqstannyń eń iri bankteriniń úshtigine kiretin bolady. Osylaisha, birigý aiaqtalǵannan keiin Jusan Bank aktivteriniń kólemi shamamen 3 trln teńgeni quraidy», - delingen ATFBanktiń resmi saitynda jariialanǵan aqparatta.
Jusan Bank Direktorlar keńesiniń tóraǵasy Shigeo Katsý qarjylyq pozitsiialary berik jáne tsifrlyq servisteri asa yńǵaily senimdi ári zamanaýi bank qurý jumystary júrgizilip jatqandyǵyn aitady.
«Klienttik bazalardy biriktirýdiń jáne aldyńǵy qatarly zamanaýi tehnologiialardy engizýdiń arqasynda qosylǵannan keiin naryqtaǵy 10 paiyzdan asatyn úlesimizdiń odan ári qarqyndy ósetinine senimdimiz», - dedi Shigeo Katsý.
Eki qarjy institýtynyń qosylýynyń nátijesinde Jusan Bank búkil elimiz boiynsha 1,1 myń birlikten asatyn eń iri bankomattar jelisin jáne 180-nen astam bólimshelerdi qamtityn bolady. ATFBanktiń Jusan Bank-ke qosylý úderisin osy jyldyń sońyna deiin aiaqtaý josparlanǵan.
