Biylǵy Junior Eurovision baiqaýyna qatysyp, Qazaqstannyń namysyn qorǵaityn 12 jasar Qaraqat Bashanovanyń beineklipi jariialandy, dep habarlaidy "Ult aqparat".
Eske sala keteiik, 26 qyrkúiekte ótken ulttyq irikteý finalyna elimizdiń túkpir-túkpirinen kelgen on eki bala qatysqan edi. Olardyń arasynda Almaty oblysy Rysqulov aýylynan kelgen Qaraqat Bashanova jeńiske jetti.
Jas ánshi finalda ákesine arnalǵan «Forever» ánin oryndady. Kompozitsiiany ótken jyly Junior Eurovision-de óner kórsetken Erjan Maksimniń «Armanyńnan qalma» ániniń avtory Hamit Shanǵaliev shyǵardy.
Qaraqat kórermenderdiń jáne qazylar alqasynyń daýys berý nátijesi boiynsha jeńimpaz dep tanyldy.
Endi Qaraqat Qazaqstannyń atynan Polshada ótetin halyqaralyq grand-finalda óner kórsetedi. Onyń jańa klipine ulttyq irikteýde oryndaǵan «Forever» áni arqaý bolǵan.
Aita keteiik, Junior Eurovision baiqaýy 29 qarashada onlain ótedi. Onda álemniń 13 elinen 9-14 jas aralyǵyndaǵy jas vokalister baq synaidy.
Qazaqstan saiysqa úshinshi ret qatysady.
