بيىلعى Junior Eurovision بايقاۋىنا قاتىسىپ, قازاقستاننىڭ نامىسىن قورعايتىن 12 جاسار قاراقات باشانوۆانىڭ بەينەكليپٸ جارييالاندى, دەپ حابارلايدى "ۇلت اقپارات".
ەسكە سالا كەتەيٸك, 26 قىركٷيەكتە ٶتكەن ۇلتتىق ٸرٸكتەۋ فينالىنا ەلٸمٸزدٸڭ تٷكپٸر-تٷكپٸرٸنەن كەلگەن ون ەكٸ بالا قاتىسقان ەدٸ. ولاردىڭ اراسىندا الماتى وبلىسى رىسقۇلوۆ اۋىلىنان كەلگەن قاراقات باشانوۆا جەڭٸسكە جەتتٸ.
جاس ەنشٸ فينالدا ەكەسٸنە ارنالعان «Forever» ەنٸن ورىندادى. كومپوزيتسييانى ٶتكەن جىلى Junior Eurovision-دە ٶنەر كٶرسەتكەن ەرجان ماكسيمنٸڭ «ارمانىڭنان قالما» ەنٸنٸڭ اۆتورى حاميت شانعاليەۆ شىعاردى.
قاراقات كٶرەرمەندەردٸڭ جەنە قازىلار القاسىنىڭ داۋىس بەرۋ نەتيجەسٸ بويىنشا جەڭٸمپاز دەپ تانىلدى.
ەندٸ قاراقات قازاقستاننىڭ اتىنان پولشادا ٶتەتٸن حالىقارالىق گراند-فينالدا ٶنەر كٶرسەتەدٸ. ونىڭ جاڭا كليپٸنە ۇلتتىق ٸرٸكتەۋدە ورىنداعان «Forever» ەنٸ ارقاۋ بولعان.
ايتا كەتەيٸك, Junior Eurovision بايقاۋى 29 قاراشادا ونلاين ٶتەدٸ. وندا ەلەمنٸڭ 13 ەلٸنەن 9-14 جاس ارالىعىنداعى جاس ۆوكاليستەر باق سىنايدى.
قازاقستان سايىسقا ٷشٸنشٸ رەت قاتىسادى.
