Polshanyń Glivitse qalasynda ótken «Junior Eurovision-2019» án baiqaýynda baq synaǵan qazaqstandyq Erjan Maksim ekinshi oryn aldy, dep habarlaidy "Ult aqparat".
Grýziia, Belarýs, Ýels, Ýkraina, Polsha, Niderlandy jáne Serbiia eń joǵary bop esepteletin 12 balyn otandasymyzǵa berdi. Al, bizdiń el óz daýysyn polshalyq qatysýshyǵa syilady.
Osylaisha, qazylardyń bergen baǵasy boiynsha birinshi oryn alǵan Erjan onlain daýys berý qorytyndysynda 79 upai jinady. Nátijesinde qazaqstandyq ánshi jalpy 227 upaimen ekinshi orynǵa turaqtasa, baiqaýdyń bas júldesin 278 upai jinaǵan Polsha eliniń ókili Viki Gabor jeńip aldy.
Tarihta alǵash ret bir el qatarynan eki márte jeńimpaz atanyp otyr. Viktoriia Gabor "Superhero" ánin poliak jáne aǵylshyn tilinde shyrqady.
Úzdik úshtikti ispaniialyq Melani Garsiia "Marte" (Mars) ánimen túiindedi.
Erjan Maksim "Balalar Evrovideniesi" baiqaýynda "Armanyńnan Qalma" ánin oryndap, Qazaqstandy joǵary deńgeidi tanystyrdy.
Ánshini sahnada bi baleti súiemeldedi. Al kontsert zalyndaǵy kórermender dý qol shapalaqtap, erek qurmet kórsetti.
Erjan Maksimnen basqa saiysqa 18 eldiń ókili qatysty.
