Qazaqstan Ulttyq Banki 2021 jyldyń 5 mamyrynan bastap«Este qalatyn oqiǵalar men birtýar adamdar» seriiasynan JUBAN MOLDAǴALIEV.100 JYL jáne Qazaqstannyń florasy men faýnasy monetalar seriiasynan TORAŃǴY kollektsiialyq monetalarynyń satylymǵa shyǵatynyn habarlaidy.
Monetalardy kazcoins.nationalbank.kz internet-dúkeni arqyly satyp alýǵa bolady. Ol úshin qoldanýshylar tirkelip, jeke kabinet ashýǵa tiis.
JUBAN MOLDAGALIEV.100 JYL kollektsiialyq monetalary týraly
Monetanyń ortalyq bóligindegi aversinde Qazaqstan Respýblikasynyń memlekettik eltańbasy beinelengen. Sol jáne oń jaǵynda – ulttyq oiý-órnek elementteri kórinis tapqan. Monetany ainaldyra QAZAQSTAN ULTTYQ BANKI • NATIONAL BANK OF KAZAKHSTAN degen jazý bar. Tómengi bóliginde – monetanyń nominalyn bildiretin «100 TEŃGE» jazýyn oqýǵa bolady.
Monetanyń reversinde Juban Moldaǵalievtiń portrettik beinesi ornalastyrylǵan. Sol jaqta mereitoilyq datasy men soǵylǵan jylyn bildiretin «100 JYL», «2020» degen tańbalar bar. Monetanyń joǵarǵy bóliginen «JUBAN MOLDAǴALIEV» degen jazýdy kóresiz.
Melhiordan jasalǵan nominaly 100 teńgelik monetalardyń beinesi
Tehnikalyq ólshemderi:
Monetalar kádesyilyq oramda shyǵarylady jáne kollektsiialyq quny boiynsha satýǵa arnalǵan.
TORAŃǴY kollektsiialyq monetalary týraly
TORAŃǴY (Torańǵy) – túrli japyraqty terek. Qazaqstannyń Qyzyl kitabyna engen. Ár túrli halyqtardyń qasietti sanalatyn qurmetti aǵashy bolady. Olardyń árqaisysyna tán óz ańyzy bar. Japondarda ol – sakýra, eýropalyqtarda – emen, úndilerde – sekvoia, afrikalyqtarda – baobab. Ejelgi kóshpelilerde tabynǵan jáne qasietti dep sanaǵan osyndai aǵash – torańǵy bolǵan.
Melhiordan jasalǵan nominaly 200 teńgelik monetalardyń beinesi
Melhiordan jasalǵan nominaly 100 teńgelik monetalardyń beinesi
Neizilberden jasalǵan nominaly 100 teńgelik monetalardyń beinesi
Nominaly 200 teńgelik jáne 100 teńgelik TORAŃǴY monetalarynyń sipattamasy:
Monetanyń bet jaǵynda (aversinde) oń bóliginde janýarlar men ósimdikterden jasalǵan kollajdy ainaldyra Qazaqstan Respýblikasynyń memlekettik eltańbasy beinelengen. Sol jaǵynda Ulttyq Bank taýar belgisiniń beinesi (logotipi) men daiyndaý sapasy «rroof-like» melhior qospasynan jasalǵan monetanyń nominalyn bildiretin «200 TEŃGE» jáne daiyndaý sapasy «brilliant uncirculated» neizilber qospasynan jasalǵan monetada «100 TEŃGE» degen jazý bar. Moneta jieginde «QAZAQSTAN ULTTYQ BANKI» jáne «NATIONAL BANK OF KAZAKHSTAN» dep ainaldyra jazylǵan jazý bar.
Syrtqy jaǵynda (reversinde) shóldi qumnyń aiasynda Torańǵy tereginiń beinesi (sapasy «rroof-like» melhior qospasynan jasalǵan monetada altyn jalatý tehnologiiasyn qoldana otyryp oryndalǵan), joǵarǵy oń jaq bóliginde «TORAŃǴY» jáne «POPULUS DIVERSIFOLIA» (túrdiń latynsha ataýy) degen jazýlar bar.
Melhior men neizilber qospasynan jasalǵan monetalardyń avers pen revers beineleri birdei.
Monetalardyń sipattamasy:
- MNTs 15-20 neizilber qospasynan jasalǵan nominaly 100 teńgelik monetanyń salmaǵy 11,17 gramm, diametri 31 mm, sapasy «uncirculated», taralymy 100 000 (júz myń) dana.
Nominaly 200 jáne 100 teńgelik kollektsiialyq monetalar olardyń belgilengen quny boiynsha Qazaqstan Respýblikasynyń búkil aýmaǵynda tólemderdiń barlyq túri boiynsha, sondai-aq bank shottaryna esepteý úshin jáne aýdarý úshin qabyldanýǵa mindetti, Qazaqstan Respýblikasynyń barlyq bankinde shekteýsiz usaqtalady jáne aiyrbastalady.
Daiyndaý sapasy «proof-like» melhior qospasynan jasalǵan monetalar kádesyilyq oramda shyǵarylady. Daiyndaý sapasy «brilliant uncirculated» melhior qospasynan jasalǵan monetalar arnaiy poligrafiialyq oramda shyǵarylady.
Kollektsiialyq monetalar Qazaqstan teńge saraiynda daiyndalǵan.
