Ótken ǵasyrdaǵy áigili jazýshylardyń biri Frants Kafkanyń qoljazbasynyń qalǵan bóligi Izrail ulttyq kitaphanasyna berildi. Bul týraly Associated Press habarlady.
Chehiiada týyp-ósken tegi evrei jazýshy shyǵarmalaryn nemis tilinde jazǵan.
Kitaphanaǵa Kafkanyń "Aýyldaǵy toiǵa daiyndyq" áńgimesiniń úsh qoljazba nusqasy, ivrit tilinde jazylǵan dápter, dostaryna jazǵan júzdegen hat, jol jazbalary men sýretter tapsyryldy. Olardyń keibiri buǵan deiin esh jerde jariialanbaǵan. Kitaphana ókilderiniń málimdeýinshe, qoljazbany jyl sońyna deiin tsifrlyq qujatqa kóshirip, keiin kóptiń nazaryna usyný josparlanyp otyr.
Kafka qoljazbalaryn daýlap, sotqa júgingen apaly-sińlili eki adamnyń aitýynsha, bul dúnieler olarǵa jazýshynyń dosy ári biografy Maks Brodtyń hatshysy bolyp istegen analary Ester Hoffeden qalǵan. Kafka dosyna qoljazbalardy órteýdi tapsyrǵan, biraq Brod olardy saqtaýdy uiǵarǵan.
Hoffe shveitsariialyq bankte saqtaǵan qujattar ondaǵan jyldar boiy sonda bolǵan. 2008 jyly apaly-sińliler bul qujattardyń zańdy iesi ózderi ekenin málimdep, sot protsesi bastalǵan. Biyl kóktemde Shveitsariia soty Kafka qoljazbalaryn Izrailge berý týraly sheshim shyǵarǵan.
