Izrail shet elderdegi diplomatiialyq missiialaryn jaýyp jatyr, dep habarlaidy Izrail SIM saity.
«Qarjy ministrligi Bas direktory bekitken jáne 2019 jyldyń 21 shildesinde qol qoiǵan kelisimderdi buzý týraly sheshimine jáne ondaǵan jyldar boiy kúshine enip kele jatqan hattamany ózgertetin shet elderdiń ókilderine birjaqty protsedýralardy engizýge bailanysty Syrtqy ister ministrligi shet elderdegi barlyq diplomatiialyq ókildikterdi jabýǵa májbúr. Konsýldyq qyzmetter kórsetilmeidi. Budan bólek, mekemege kirýge eshkimniń quqyǵy joq», - delingen habarlamada.
«Shet elderdegi Izrail ókilderi halyqaralyq qatynasty jáne eldiń kúshin nyǵaitýǵa kún saiyn umtylýda. Qarjy ministrligi Izrail memleketiniń negizgi quralyna zalal keltirip otyr. Ókinishke orai, bizdiń diplomatiialyq ókildikterdi jabýdan basqa tańdaýymyz joq. Bul másele taiaý ýaqytta sheshiledi dep úmittenemiz», - delingen eldiń syrtqy saiasi vedomostvosynyń habarlamasynda.
