Foto: depositphotos.com
Izrail men HAMAS kelisimge keldi. Kelisim áskeri qimyldardy tórt kúnge toqtatýdy qarastyrady, - dep habarlaidy Tengrinews.kz portaly haaretz.com saityna silteme jasap.
Kelisim aiasynda Hamas kepilge alynǵan 50 áiel men balany, al Izrail 150 palestinalyq tutqyndy (negizinen áielder men balalar) bosatady.
Izrail sheneýnigi bosatylady dep kútilgen 50 adam Izrail azamaty nemese qos azamattyǵy bar Izrail azamattary bolady jáne sheteldik azamattar bul almasýǵa qatyspaidy dep málimdedi. Sonymen qatar Izrail kúnine 300 gýmanitarlyq júk kóligine Egipetpen shekaradaǵy"Rafah" ótkeli arqyly Gazaǵa kirýge ruqsat beredi.
Eger eki tarap tutqyndar men kepilge alynǵandardy aiyrbastaýǵa uqsas 3:1 qatynasyna kelisse, úzilis belgisiz ýaqytqa uzartylýy múmkin.
Sonymen qatar taraptar Izrail aviatsiiasynyń eldiń ońtústik bóliginde tórt kúnge, al soltústik bóliginde saǵat 10:00-den 16.00-ge deiin alty saǵatqa ushýdy tolyq toqtatý týraly kelisimge kelgen.
