Foto: Metin Yuksel Kaya/Anadolu Agency
Izrail Gaza sektorynyń soltústigindegi turǵyndarǵa aldaǵy 24 saǵat ishinde ketýge buiryq berdi. Bul týraly BUU Bas hatshysynyń baspasóz hatshysy Stefan Diýjarrik málim etti. Munda shamamen 1,1 mln adam týraly sóz qozǵalyp otyr. Bul - Gaza sektory halqynyń jartysy, dep habarlaidy Kazinform agenttigi VVS jańalyqtaryna silteme jasap.
Alaida BUU mundai qonys aýdarý gýmanitarlyq zardapsyz bolmaidy dep eseptep, buiryqtyń kúshin joiýǵa shaqyrdy.
Izraildiń BUU-daǵy ókili Gilad Erdan BUU málimdemesin qatań synǵa aldy.
"Izraildiń Gaza turǵyndaryna berilgen eskertýine BUU-nyń bergen jaýaby masqara! BUU jyldar boiy HAMAS-tyń Gaza sektorynyń beibit turǵyndary men azamattyq infraqurylymyn qarýlandyryp, qarý-jaraq pen kisi óltirý baspanasy retinde paidalanýyna kóz jumyp keldi. Endi ol azamattaryn HAMAS lańkesteri óltirgen jáne qatysy joq adamdarǵa tigizetin shyǵyndy barynsha azaitýǵa tyrysqan Izraildi jaqtaýdyń ornyna Izrailge aqyl úiretedi", — dedi ol.
Sondai-aq jumada BUU Qaýipsizdik keńesiniń shuǵyl otyrysy ótetini belgili boldy.
