Foto: instagram.com/idf
Izrail qorǵanys kúshteri eldiń búkil aýmaǵyndaǵy baqylaýdy qalypqa keltirdi. Bul týraly qorǵanys kúshteri baspasóz hatshysy, kontr-admiral Daniel Hagari málimdedi, - dep habarlaidy Tengrinews.kz saity The Times of Israel basylymyna silteme jasap.
Hagari sońǵy birneshe saǵatta ásker men palestinalyq sodyrlar arasyndaǵy qaqtyǵystardyń "birneshe" oqiǵalary bolǵanyn aitty. Onyń sózinshe, áskeriler Shaar-ha-Negev aimaqtyq keńesinde úsh lańkesti óltirgen. Sondai-aq Beerede bir adam, Holit pen Sýfada bes adam, Alýmimde tórt adam óltirilgen.
Hagaridiń aitýynsha, qazir eshbir qalada soǵys qimyldary joq.
"Aýdanda áli de lańkester bolýy ábden múmkin", - dedi ol.
Hagari armiia shekaradaǵy 24 qalanyń 15-in evakýatsiialaǵanyn jáne jaqyn arada evakýatsiialaýdy jalǵastyratynyn habarlady. Onyń aitýynsha, bul kezeńde Sderot evakýatsiialanbaidy.
