Foto: UQK baspasóz qyzmeti
Ulttyq qaýipsizdik komiteti jáne Ishki ister ministrligi Túrkiianyń quqyq qorǵaý organdarymen ózara árekettesip, izdeýde júrgen eki Qazaqstannyń azamatyn ustady, dep habarlaidy «Ult aqparat» UQK baspasóz qyzmetine silteme jasap.
Komitettiń málimetinshe, kúdiktiler altynnyń ekonomikalyq kontrabandasyn, sondai-aq transulttyq uiymdasqan qylmystyq top qurǵan.
«Ulttyq qaýipsizdik komiteti jáne Ishki ister ministrligi Túrkiianyń quqyq qorǵaý organdarymen ózara árekettese izdeýde júrgen eki Qazaqstannyń azamatyn ustady jáne 2024 jylǵy 3 sáýirde Stambýl qalasynan Almaty qalasyna etappen jiberildi. Olar asa iri mólsherde altynnyń ekonomikalyq kontrabandasyn, sondai-aq transulttyq uiymdasqan qylmystyq top qurdy jáne basshylyq jasady degen kúdikpen Tergeý izoliatoryna qamaldy», - delingen habarlamada.
Qylmystyq-protsestik kodekstiń 201-babynyń 1-bóligine sáikes ózge aqparat jariia etýge jatpaidy.
