Qazaqstandyq bylǵary qolǵap sheberi Ivan Dychko (9-0, 9 KO) kásipqoi boksta toǵyzynshy ret jeńiske jetti, dep habarlaidy Sports.kz.
Ol AQSh-tyń Florida shtatyndaǵy Hollivýdta kezekti kezdesýin amerikalyq boksshy Neit Hevenge (9-2, 7 KO) qarsy ótkizdi. Aýyr salmaq dárejesindegi jekpe-jek segiz raýndqa eseptelgen bolatyn, biraq Dychko ekinshi raýndtqa qarsylasyn nokaýtqa túsirdi.
Sonymen, qazir Ivannyń kásibi ringte toǵyz jeńisi bar, ol áli birde-bir ret qarsylasynan utylyp kórgen joq.
Budan buryn Dychkonyń menedjeri Ziia Aliev aitqandai, qazaqstandyq boksshy biyl kem degende úsh jekpe-jek ótkizedi.
