Jelide itti tiridei órtep jibergenderdiń videosy tarady, dep habarlaidy Sputnik agenttigi.
Videony janýarlardy qorǵaityn birneshe uiym jariialady. Janyp jatqan it qaqpannan shyǵa almai azaptanady. Rolik bir minýtqa jýyq ýaqytqa sozylady. Avtor it ólgenge deiin video túsirýin toqtatpaǵan.
Bul jaǵdai qai elde bolǵany belgisiz. Biraq qazaqsha sóilegen daýystar estiledi. Avtor it qinalyp ólip jatqanyn aitady. Qolynda benzinge uqsas suiyqtyq bar.
Volonterler ishki ister ministrligin jaǵdaiǵa nazar aýdaryp, kinálilerdi jazalaýdy surap otyr.
"Videony kórmeýge keńes beremiz. Biz ony barynsha qysqarttyq. Itti qaqpanǵa bekitip qoiǵan siiaqty. Ol eshqaida qashyp kete almady", - delingen jazbada.
Bolǵan oqiǵaǵa nemese videodaǵy adamdardyń jeke basyna bailanysty aqparaty bar qazaqstandyqtar quzyrly organdarǵa habar bere alady.
Quqyq qorǵaý organdary jaǵdaiǵa qatysty áli eshqandai shara qoldanǵan joq. Qazaqstandyqtar olardy áleýmettik jelidegi paraqshalarda belgilep jatyr.
