Qarjylyq monitoring agenttiginiń Pavlodar oblysy boiynsha departamenti sirek kezdesetin jáne joiylyp ketý qaýpi bar jyrtqysh qustardy zańsyz iemdený jáne ustaý faktisi boiynsha júrgizilgen tergeýdi aiaqtady. Is boiynsha kúdikti qamaýǵa alyndy, dep habarlaidy ult.kz.
Tergeý málimetinshe, kúdikti 2017 jyldan beri «Qusbegilik» federatsiiasynyń jáne Qazaqstannyń ulttyq qusbegilik quramasynyń múshesi bola otyryp, Qaraǵandy qalasyndaǵy úiiniń aýmaǵynda zańsyz tálimbaq uiymdastyrǵan.
Ol ańshylyqqa, qyran qustardy kútip-baptaý men emdeýge arnalǵan Instagram paraqshasy arqyly tabiǵi mekendeý ortasynan zańsyz aýlanǵan sirek jyrtqysh qustardy jetkizetin adamdarmen bailanys ornatqan.
Tintý kezinde kúdiktiniń úiinen 35 jyrtqysh qus tárkilendi. Olardyń qatarynda itelgi, búrkit jáne lashyn bar. Bul qustar Qazaqstannyń Qyzyl kitabyna engizilgen jáne joiylyp ketý qaýpi tónip turǵan janýarlar sanatyna jatady.
Tergeý aiasynda sot sanktsiiasymen kúdiktige tiesili Toyota 4Runner avtokóligine tyiym salyndy.
Qazirgi ýaqytta tárkilengen qustar Qaraǵandy qalasynyń haiýanattar baǵynda ýaqytsha kútip-baǵylyp jatyr. Sot úkimi zańdy kúshine engennen keiin olar tabiǵi mekendeý ortasyna jiberiledi.
Qylmystyq is boiynsha ózge málimetter Qazaqstan Respýblikasy Qylmystyq-protsestik kodeksiniń 201-babyna sáikes jariialanbaidy.
