Qazaqstan Respýblikasynyń bas sanitar dárigeri Jandarbek Bekshin koronavirýs jaǵdaiyna bailanysty qazaqstandyqtarǵa Eýropaǵa saiahattaýdy toqtata turýdy usyndy, dep habarlaidy QazAqparat.
«Bizdi Eýroodaq elderinde, sonyń ishinde Italiiada koronavirýspen aýyratyndar sanynyń ósýi alańdatady. 8 naýryzdan bastap Italiiadan kelgen azamattarǵa ǵana emes, sol jaqta turǵan sheteldik azamattarǵa da bizdiń elge kirýge tyiym salynǵan. Italiia jaǵdaiy nashar, iaǵni «A» kategoriiasyna, birinshi topqa kiretin elder tiziminde. Italiia dertke shaldyqqandar sany boiynsha Qytaidan keiin ekinshi orynda tur», - dedi Jandarbek Bekshin Ortalyq kommýnikatsiialar qyzmetinde ótken brifingte.
Sonymen qatar, Frantsiia, Germaniia siiaqty elderde atalǵan dertke shaldyqqandar sany kóbeiýde. Aýrýdyń kúrt ósýi Shveitsariia, Niderland jáne Shvetsiiada baiqalady.
«Jaǵdai ár 2-3 kún saiyn ózgerýde. QR Densaýlyq saqtaý ministrligi 6 qańtardan bastap táýlik boiǵy jumys tártibine kóshti. Bul bizge kún saiyn jaǵdaiǵa monitoring jasap, baqylaýdy kúsheitý boiynsha jedel shara qabyldaýǵa kómektesedi. Búgingi kúgi «A« sanatyndaǵy Qytai, Ońtústik Koreia elderine Italiia qosyldy. Biz asa qajet jaǵdai bolmasa qazaqstandyqtarǵa eýropalyq memleketterge, onyń ishinde joǵaryda atap ótken memleketterge barmaýdy usynamyz. Sondai-aq, ol jaqtan eshkimdi qonaqqa nemese jumys boiynsha shaqyrýdyń qajeti joq», - deidi ol.
Koronavirýs boiynsha «A» sanatyna QHR, Iran, Ońtústik Koreia, Italiia kiretinin aita ketý kerek. «1B» sanatyna Frantsiia, Germaniia, Ispaniia kiredi. Ekinshi sanatqa Shvetsiia, Ulybritaniia, Niderland kirse, úshinshi sanatta Belgiia, Shvetsiia, Norvegiia, Úndistan, Irak, Filippin jáne AQSh tur.
