Qutqarýshylar úiindi arasynda qalǵan adamdy shyǵaryp jatyr. Amatriche, Italiia, 24 tamyz 2016 jyl.
"Italiianyń ortalyq bóliginde bolǵan jer silkinisinen qaza tapqandar sany 159 adamǵa jaralanǵandar sany 368 adamǵa jetti", - dep habarlaidy Ult.kz tilshisi Azattyqqa silteme jasap.
"Bul - túpkilikti esep emes. Bul bizge ólsheýsiz jara saldy" dedi Italiia premer-ministri Matteo Rentsi. Qirandylar astynda áli kóp adam qalyp qoiǵan bolýy múmkin. Rentsi "bir de bir otbasy, eldi meken, ia qala kómeksiz qalmaitynyn" aitty.
Qýaty 6,2 magnitýdaǵa jetetin jer silkinisi 24 tamyz kúni tańǵa jýyq bolǵan. Zilzaladan Akkýmoli, Amatriche, Posta jáne Arkýata-del-Tronto qalalary eń kóp zardap shekken. Zilzala dúmpýi Rimde de sezilgen.
Amatriche qalasynyń meri Serdjio Pirozzidiń aitýynsha, qalanyń jartysy jermen-jeksen bolyp, qalaǵa kiretin joldar qirap, jabylǵan.
Ortaǵasyrlyq qalada zilzaladan qiraǵan tarihi Hotel Roma qonaqúiinde adam shyǵyny kóp bolýy múmkin degen qaýip bar. Jer silkingen kezde qonaqúide 70 týrist bolǵan. Qazirge deiin úiindi astynan tek jeti adamnyń denesi shyǵaryldy.
