قۇتقارۋشىلار ٷيٸندٸ اراسىندا قالعان ادامدى شىعارىپ جاتىر. اماتريچە, يتالييا, 24 تامىز 2016 جىل.
"يتالييانىڭ ورتالىق بٶلٸگٸندە بولعان جەر سٸلكٸنٸسٸنەن قازا تاپقاندار سانى 159 ادامعا جارالانعاندار سانى 368 ادامعا جەتتٸ", - دەپ حابارلايدى ۇلت.كز تٸلشٸسٸ ازاتتىققا سٸلتەمە جاساپ.
"بۇل - تٷپكٸلٸكتٸ ەسەپ ەمەس. بۇل بٸزگە ٶلشەۋسٸز جارا سالدى" دەدٸ يتالييا پرەمەر-مينيسترٸ ماتتەو رەنتسي. قيراندىلار استىندا ەلٸ كٶپ ادام قالىپ قويعان بولۋى مٷمكٸن. رەنتسي "بٸر دە بٸر وتباسى, ەلدٸ مەكەن, يا قالا كٶمەكسٸز قالمايتىنىن" ايتتى.
قۋاتى 6,2 ماگنيتۋداعا جەتەتٸن جەر سٸلكٸنٸسٸ 24 تامىز كٷنٸ تاڭعا جۋىق بولعان. زٸلزالادان اككۋمولي, اماتريچە, پوستا جەنە اركۋاتا-دەل-ترونتو قالالارى ەڭ كٶپ زارداپ شەككەن. زٸلزالا دٷمپۋٸ ريمدە دە سەزٸلگەن.
اماتريچە قالاسىنىڭ مەرٸ سەردجيو پيروززيدٸڭ ايتۋىنشا, قالانىڭ جارتىسى جەرمەن-جەكسەن بولىپ, قالاعا كٸرەتٸن جولدار قيراپ, جابىلعان.
ورتاعاسىرلىق قالادا زٸلزالادان قيراعان تاريحي Hotel Roma قوناقٷيٸندە ادام شىعىنى كٶپ بولۋى مٷمكٸن دەگەن قاۋٸپ بار. جەر سٸلكٸنگەن كەزدە قوناقٷيدە 70 تۋريست بولعان. قازٸرگە دەيٸن ٷيٸندٸ استىنان تەك جەتٸ ادامنىڭ دەنەسٸ شىعارىلدى.
