Dúisenbi kúni Italiianyń Azamattyq qorǵaý ulttyq qyzmetiniń basshysy Andjelo Borrelli elde koronavirýstan 463 adam kóz jumǵanyn málimdedi, dep habarlaidy ANSA agenttigi.
Ol Italiiada koronavirýsqa shaldyqqan adamdardyń sany 7985-ke jetkenin habarlady. Elde koronavirýsqa shaldyǵýdyń 9172 oqiǵasy tirkelgen.
Osylaisha, búginde Italiia ólimge ákelip soqtyratyn jańa tiptegi virýsqa shaldyqqandardyń sany jaǵynan Qytaidan keiin ekinshi el boldy.
Sonymen birge, Borrellidiń aitýynsha, elde 724 adam emdelip shyqty. Bul jeksenbi kúnimen salystyrǵanda 102 adamǵa kóp.
Eske sala keteiik, 21 aqpanda Italiiada koronavirýstan alǵashqy adam qaitys boldy. 78 jastaǵy er adam Qytaida paida bolǵan jańa koronavirýstyń alǵashqy eýropalyq qurbany boldy.
