Italiia biligi koronavirýsqa bailanysty eldegi TJ rejimin 2021 jylǵy sáýirdiń sońyna deiin uzartady, dep habarlaidy ANSA agenttigi.
TJ rejimin uzartý týraly Italiianyń densaýlyq saqtaý ministri Roberto Sperantsa málimdedi. Ol Italiia úkimeti eldiń «qyzyl» ǵana emes, sondai-aq «sary aimaqqa» da engen óńirleri arasynda adamdar qozǵalysyna tyiym salýy múmkin ekenin aitty.
«Biz eldegi epidemiologiialyq jaǵdaidyń ýshyqqanyn kórip otyrmyz. Epidemiia qaitadan óristeý kezeńinde. Osyǵan bailanysty Italiiada TJ rejimi 2021 jylǵy 30 sáýirge deiin uzartylady», - dedi Roberto Sperantsa.
Eske sala keteiik, qazan aiynda Frantsiia men Italiia koronavirýs infektsiiasyn juqtyrýdyń táýliktik kórsetkishi boiynsha antirekord ornatqan edi. Jańa virýstan bolǵan táýliktik ólim jaǵdailarynyń sany 43-ten 83-ke deiin, iaǵni eki esege artqan bolatyn. Elde pandemiia bastalǵaly tirkelgen ólim derekteriniń jalpy sany 36 000-nan asady. Sondai-aq Italiiada koronavirýs infektsiiasyna júrgizilgen test sany da 163 000 bolyp, rekordtyq kórsetkishke jetti.
