يتالييا بيلٸگٸ كوروناۆيرۋسقا بايلانىستى ەلدەگٸ تج رەجيمٸن 2021 جىلعى سەۋٸردٸڭ سوڭىنا دەيٸن ۇزارتادى, دەپ حابارلايدى ANSA اگەنتتٸگٸ.
تج رەجيمٸن ۇزارتۋ تۋرالى يتالييانىڭ دەنساۋلىق ساقتاۋ مينيسترٸ روبەرتو سپەرانتسا مەلٸمدەدٸ. ول يتالييا ٷكٸمەتٸ ەلدٸڭ «قىزىل» عانا ەمەس, سونداي-اق «سارى ايماققا» دا ەنگەن ٶڭٸرلەرٸ اراسىندا ادامدار قوزعالىسىنا تىيىم سالۋى مٷمكٸن ەكەنٸن ايتتى.
«بٸز ەلدەگٸ ەپيدەميولوگييالىق جاعدايدىڭ ۋشىققانىن كٶرٸپ وتىرمىز. ەپيدەمييا قايتادان ٶرٸستەۋ كەزەڭٸندە. وسىعان بايلانىستى يتالييادا تج رەجيمٸ 2021 جىلعى 30 سەۋٸرگە دەيٸن ۇزارتىلادى», - دەدٸ روبەرتو سپەرانتسا.
ەسكە سالا كەتەيٸك, قازان ايىندا فرانتسييا مەن يتالييا كوروناۆيرۋس ينفەكتسيياسىن جۇقتىرۋدىڭ تەۋلٸكتٸك كٶرسەتكٸشٸ بويىنشا انتيرەكورد ورناتقان ەدٸ. جاڭا ۆيرۋستان بولعان تەۋلٸكتٸك ٶلٸم جاعدايلارىنىڭ سانى 43-تەن 83-كە دەيٸن, ياعني ەكٸ ەسەگە ارتقان بولاتىن. ەلدە پاندەمييا باستالعالى تٸركەلگەن ٶلٸم دەرەكتەرٸنٸڭ جالپى سانى 36 000-نان اسادى. سونداي-اق يتالييادا كوروناۆيرۋس ينفەكتسيياسىنا جٷرگٸزٸلگەن تەست سانى دا 163 000 بولىپ, رەكوردتىق كٶرسەتكٸشكە جەتتٸ.
