© AFP 2023 / Tiziana FABI
Italiianyń Salerno qalasynda qazaqstandyq stýdent qyz qaitys boldy, - dep habarlaidy Tengrinews.kz.
Sait málimetinshe, oqiǵa 17 qańtarda bolǵan. Salerno ýniversitetiniń 27 jastaǵy doktoranty kósheden ótip bara jatqan. Sol kezde 20 jastaǵy júrgizýshi tizgindep bara jatqan Peugeot 308 júrgizýshisi ony jaiaý júrginshiler jolynda qaǵyp ketken. Jol apaty Stanislao Lista kóshesinde, Djýzeppe Verdi opera teatrynyń mańynda bolǵan.
Italiialyq L'Occhio di Salerno basylymynyń dereginshe, 20 jastaǵy júrgizýshi jigit birden toqtap, qajet meditsinalyq kómek kórsete bastaǵan. Alaida Qyzyl krest pen Humanitas ókilderi qazaqstandyq stýdent qaitys bolǵanyn anyqtaǵan. Júrgizýshi jigit ishimdik testin tapsyrǵan. Nátijesi teris bolyp shyqqan. Jol apatyn tergeýmen politsiia qyzmetkerleri ainalysyp jatyr.
QR Syrtqy ister ministrligi 27 jastaǵy stýdenttiń jol apatynan qaza tapqanyn rastady.
«Qaiǵyly oqiǵa bolǵanyn rastaimyz. Qazir marqumnyń denesin Qazaqstanǵa ákelý jumystary júrgizilip jatyr. Týystarymen bailanystamyz», - dedi Syrtqy ister ministrliginiń resmi ókili Aibek Smadiiarov.
