© AFP 2023 / Tiziana FABI
يتالييانىڭ سالەرنو قالاسىندا قازاقستاندىق ستۋدەنت قىز قايتىس بولدى, - دەپ حابارلايدى Tengrinews.kz.
سايت مەلٸمەتٸنشە, وقيعا 17 قاڭتاردا بولعان. سالەرنو ۋنيۆەرسيتەتٸنٸڭ 27 جاستاعى دوكتورانتى كٶشەدەن ٶتٸپ بارا جاتقان. سول كەزدە 20 جاستاعى جٷرگٸزۋشٸ تٸزگٸندەپ بارا جاتقان Peugeot 308 جٷرگٸزۋشٸسٸ ونى جاياۋ جٷرگٸنشٸلەر جولىندا قاعىپ كەتكەن. جول اپاتى ستانيسلاو ليستا كٶشەسٸندە, دجۋزەپپە ۆەردي وپەرا تەاترىنىڭ ماڭىندا بولعان.
يتالييالىق L'Occhio di Salerno باسىلىمىنىڭ دەرەگٸنشە, 20 جاستاعى جٷرگٸزۋشٸ جٸگٸت بٸردەن توقتاپ, قاجەت مەديتسينالىق كٶمەك كٶرسەتە باستاعان. الايدا قىزىل كرەست پەن Humanitas ٶكٸلدەرٸ قازاقستاندىق ستۋدەنت قايتىس بولعانىن انىقتاعان. جٷرگٸزۋشٸ جٸگٸت ٸشٸمدٸك تەستٸن تاپسىرعان. نەتيجەسٸ تەرٸس بولىپ شىققان. جول اپاتىن تەرگەۋمەن پوليتسييا قىزمەتكەرلەرٸ اينالىسىپ جاتىر.
قر سىرتقى ٸستەر مينيسترلٸگٸ 27 جاستاعى ستۋدەنتتٸڭ جول اپاتىنان قازا تاپقانىن راستادى.
«قايعىلى وقيعا بولعانىن راستايمىز. قازٸر مارقۇمنىڭ دەنەسٸن قازاقستانعا ەكەلۋ جۇمىستارى جٷرگٸزٸلٸپ جاتىر. تۋىستارىمەن بايلانىستامىز», - دەدٸ سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ.
