Italiia biligi sý tasqynynan zardap shekken Venetsiianyń «jalpyadamzattyq murasyn» qalpyna keltirýge kómektesýge shaqyryp jatyr, dep habarlaidy TASS agenttigi.
Qala basshylyǵy qarjylai kómek berem deýshilerge arnap shot ashqan. Budan tys, qalaǵan adam sms jiberý arqyly 2 eýro bólýine bolady. Italiia Mádeniet ministrliginiń bastamasymen qaiyrymdylyq aktsiiasyna barlyq bailanys operatory qosylǵan.
Jekelegen uiymdar eriktilerdi qaladaǵy belgili bir mýzeige, kitaphanaǵa, mektepke, shirkeýge kómektesýge shaqyryp jatyr. Mysaly, «La Skala» teatry osy demalys kúnderi bolatyn spektaklderiniń biletinen túsken qarajatty túgeldei Venetsiianyń «La Feniche» teatryna jibermek.
Eske sala keteiik, tarihi qala Venetsiiany sý basyp, tótenshe jaǵdai engizilgen bolatyn. Tabiǵi apat saldarynan kelgen zalaldyń mólsheri 1 milliard eýroǵa deiin jetýi múmkin.
