Italiia úkimeti osy aptada bekitken jańa erejeler eldiń kóptegen memlekettik mekemelerinde vaktsinalaý týraly sertifikattyń bolýyn mindetteidi, dep habarlaidy "Ult aqparat".
Italiianyń premer-ministri Mario Dragi vaktsinaǵa qarsy ideialardy nasihattaityn adamdar «ólimge shaqyrǵanmen» birdei dep málimdedi.
«Vaktsina almańyzdar deý – bul ólimge shaqyrý. Eger siz vaktsina almasańyz, siz aýyrasyz, ólesiz. Nemese siz óltiresiz: vaktsina almaisyz, aýyrasyz, basqalarǵa juqtyrasyz, bireý óledi», – dedi Dragi baspasóz máslihatynda. Sondai-aq COVID-19 delta nusqasynyń taralýyna qarsy turýǵa kómektesetin jańa shekteýler jariialady.
– Vaktsinasyz bári qaitadan jabylýy múmkin. Vaktsina taralýda jáne osy qorǵanys arqyly biz aýrýhanaǵa jatqyzý jáne ólim-jitim deńgeii áldeqaida tómendegenin baiqaimyz», – dep jalǵastyrdy Italiia premer-ministri.
Italia buqaralyq aqparat quraldarynyń habarlaýynsha, M. Dragidiń joǵaryda aitylǵan málimdemeleri «Liganyń» ońshyl partiiasynyń jetekshisi Matteo Salvinidiń aitqandaryna jaýap boldy. Ol sońǵy kúnderi jastarǵa vaktsina alýdyń qajeti joq jáne 40-59 jastaǵy adamdar inektsiia jasaýdy erkin sheshe alady degen bolatyn.
Beisenbide Italiia úkimeti bekitken jańa erejeler 6 tamyzdan bastap meiramhanalar, barlar, ashyq aspan astyndaǵy shoýlar, sanatoriiler, basseinder, sport zaldary, jármeńkeler, kongrester men jarystardy qosa alǵanda, kóptegen qoǵamdyq mekemelerde vaktsinalaý týraly sertifikatty mindetti túrde qoldanýdy engizdi.
Sertifikat vaktsina alǵan adamdar úshin, sondai-aq vaktsinanyń bir dozasyn ǵana alǵan adamdar jáne sońǵy 48 saǵat ishinde teris synaq kórsete alatyndar úshin jaramdy.
Italiia úkimeti tótenshe jaǵdaidy 2021 jyldyń sońyna deiin uzartty.
