Aziiada taralyp, birneshe adamnyń ómirin jalmaǵan COVID19 virýsy Italiiaǵa da jetti, dep habarlaidy ANSA agenttigi.
Elde Venetsiiadaǵy karnaval merekesiniń sońǵy kúnderi toqtatyldy, koronavirýsty juqtyrý jaǵdailarynyń ósýine bailanysty sángerlerge Milanǵa sán aptalyǵyna barýǵa shekteý qoiyldy.
COVID19 jańa virýsynan Italiiada alty adam qaitys boldy. Sońǵysy – Milan qalasyndaǵy Sakko aýrýhanasynda kóz jumǵan 80 jastaǵy er adam.
Ótken beisenbide ol júrek ustamasynan keiin Lodidegi aýrýhanaǵa jetkizildi, sol kúni atalǵan jerge 38 jastaǵy er adam, virýsqa jasalǵan testi oń nátije bergen infektsiia juqtyrǵan alǵashqy patsient túsken.
80 jastaǵy italiialyq intensivti terapiia bólimshesine jiberilgen jáne COVID19 virýsyna tapsyrǵan taldamasy oń nátije bergen. Sodan keiin ony Milandaǵy Sakko aýrýhanasyna aýystyrǵan.
Sol aralyqta Lombardiianyń aimaqtyq úkimeti koronavirýspen aýyrǵan er adam Tsivilidegi Breshia aýrýhanasynda qaitys boldy degen aqparatty joqqa shyǵardy. Virýstan kóz jumǵan jetinshi fakti rastalmaǵan kúiinde qalyp otyr.
Azamattyq qorǵaý departamentiniń basshysy Andjelo Borrelli Italiiada virýs juqtyrǵandar sany 229 adamǵa jetkenin habarlady.
Qazirgi ýaqytta koronavirýs juqtyrǵandar sany boiynsha Italiia Qytai men Ońtústik Koreiadan keiingi úshinshi orynda tur.
