Italiianyń Premer-ministri Mario Dragi Aýǵanstandaǵy ahýal boiynsha álemniń jetekshi ekonomikalaryn biriktiretin G20 sammitin uiymdastyrý boiynsha jumys júrgizip jatyr.
Bul týraly beisenbi kúni eldegi eki jalpyulttyq gazet jazdy, dep habarlaidy "Ult aqparat".
Italiia biyl G20 sammitine tóraǵalyq etedi jáne kezdesý qazan aiyna josparlanǵan Rimdegi sammitten buryn ótýi múmkin, dep jazady Reuters la Repubblica gazetine silteme jasap.
Kelesi aptada G7 toby kóshbasshylarynyń Aýǵanstandaǵy jaǵdaiǵa bailanysty jalpy strategiia men kózqarastardy talqylaý úshin onlain-kezdesýi josparlanǵan.
Eske salsaq, keshe BUU-nyń Aýǵanstanǵa járdem kórsetetin uiymdary Almatyǵa ýaqytsha ornalastyrylatyny habarlandy.
Aýǵanstandaǵy ishki saiasi ahýaldyń shielenisýine bailanysty Birikken Ulttar Uiymy (BUU) óziniń Aýǵanstanǵa járdem kórsetý jónindegi missiiasyn (UNAMA) jáne AIR-da akkredittelgen BUU-nyń basqa da agenttikterin Almaty qalasyna ýaqytsha ornalastyrý týraly Qazaqstanǵa ótinish bildirdi.
Qazaqstan men BUU-nyń jan-jaqty ózara is-qimyly rýhy sheńberinde jáne osy uiymnyń tolyq quqyqty múshesi retindegi mindettemeleri aiasynda Prezident Qasym-Jomart Toqaev BUU ótinishin qoldaý týraly sheshim qabyldady.
