Ispaniiada koronavirýstyń jańa shtammyn juqtyrýdyń alǵashqy jaǵdailary anyqtaldy, dep habarlaidy VVS.
Senbi kúni tańerteń Ispaniia biligi Ulybritaniiada paida bolyp, belsendi túrde tarap jatqan koronavirýstyń jańa shtammyn juqtyrýdyń alǵashqy tórt jaǵdaiy Madridte anyqtalǵanyn habarlady.
Ispaniia astanasynyń óńirlik ákimshilik ókilderi bul jaǵdailardyń barlyǵy jaqynda Britaniiadan oralǵan adamdarmen bailanysty ekenin aitýda.
«Patsientterde aýyr belgiler joq, biz bul shtammnyń tez taralatynyn bilemiz. Biraq odan da aýyr jaǵdai týǵyzbaidy. Alańdaýǵa negiz joq», - dedi Madridtiń Densaýlyq saqtaý qyzmeti direktorynyń orynbasary Antonio Zapatero.
Ol biliktiń taǵy úsh yqtimal jaǵdaidy tekserip jatqanyn atap ótti. Biraq taldama nátijeleri kelesi aptada belgili bolady. Ispaniia azamattary men turǵyndaryn qospaǵanda, Madridke Ulybritaniiadan kelýshilerge kirýge tyiym salyndy.
Sondai-aq, Ulybritaniiadan Shvetsiiaǵa kelgen adamnan virýstyń jańa shtammy tabylǵany týraly aityldy. Shved Densaýlyq saqtaý ministrliginiń habarlamasynda kórsetilgendei, saiahatshy elge kelgende aýyryp, oqshaýlanǵan.
Nextstrain monitoring servisiniń derekteri boiynsha, koronavirýstyń jańa shtammy Daniia, Aýstraliia jáne Niderland elderinde tirkelgen. Frantsiiada da koronavirýstyń jańa shtammy tirkeldi.
Eske salsaq, jaqynda Ulybritaniia koronavirýstyń jańa shtammy anyqtalǵany jariialandy.
Sonymen qatar, Qytai koronavirýstyń jańa shtammy anyqtalǵan Ulybritaniiamen áýe qatynasyn toqtatty.
