Ispaniianyń Densaýlyq saqtaý ministrligi sońǵy táýlik ishinde koronavirýs juqtyrýdyń 1 500 jaǵdaiy tirkelgenin jariialady, dep habarlaidy "Ult aqparat".
Qazirgi tańda COVID-19 juqtyrǵandardyń sany 5 153 adamǵa jetken. Ispaniia Eýropa elderiniń ishinde koronavirýs juqtyrǵandardyń sany boiynsha ekinshi orynda tur. Italiiada qazirgi tańda koronavirýs juqtyrǵandardyń sany 15 myńnan asyp ketken.
Ispaniia Úkimeti elde tótenshe jaǵdai jariialaǵaly otyr. Buǵan deiin koroldik tarihynda TJ bir ret qana jariialanǵan.
Aita ketsek, buǵan deiin Dúniejúzilik densaýlyq saqtaý uiymy Eýropanyń qazirgi tańda pandemiia «epitsentri» ekenin jariia etken edi. Eýropanyń birneshe eli keiingi kúnderi virýs juqtyrǵandardyń sany men ólim-jitim jaǵdaiy kúrt óskenin habarlaýda.
