Koronavirýs órshýinen eń kóp zardap shekken elderdiń biri – Ispaniia qatań karantin rejimin jumsartýǵa kiristi. Bul karantin eldiń ekonomikasyn tyǵyryqqa tiregen bolatyn, dep jazady VVS.
Óndiris oryndarynda, qurylys salasynda jáne basqa da saladaǵy birqatar qyzmetkerlerdiń jumysqa oralýyna ruqsat berildi. Biraq olardyń bári qaýipsizdik tehnikasy erejelerin qatań ustanýǵa tiis. Al odan basqa halyq báribir úiinde qalady.
Ispaniiada qaýipti indetten 17 500-ge jýyq adam qaitys bolǵan. Áitse de, jańadan juqtyrý faktileri azaiyp keledi.
Dúisenbide eldiń densaýlyq saqtaý ministrligi elde aýrýdan ólgen halyqtyń sany azaiǵanyn málimdedi. Sońǵy 24 saǵatta 517 adam qaitys bolǵan. Jeksenbide bul kórsetkish 619 bolatyn. Sońǵy málimetke sensek, elde 17 489 adam koronavirýstan kóz jumǵan.
Jańadan juqtyrý jaǵdailary kún sanap tómendep otyr. Elde koronavirýsqa shaldyqqan 169 496 adam bar.
Dúisenbide el úkimeti 27 naýryzda engizilgen kei shekteýlerdi alyp tastady. Sóitip qashyqtan jumys isteýge múmkindigi joq kásiporyndardy qaita ashýǵa ruqsat berdi.
Sheneýnikter qoǵamdyq kólikte júrgenderge 10 million maskany tegin taratýdy kózdep otyr.
Pasha – eldiń basty merekeleriniń biri. Biraq biyl 1930 jyldan beri birinshi ret elde pasha sherýi bolǵan joq.
