Italiialyq astronom Galileo Galilei (1564-1642) daiyndaǵan traktat Ispaniianyń Ulttyq kitaphanasynan urlanǵan, dep habarlaidy El Pais gazeti.
Basylymnyń jazýynsha, koroldiktiń negizgi qoǵamdyq kitaphanasy tórt jyl boiy qujattyń joǵalyp ketkenin jasyrǵan, onyń quny 800 myń eýro bolýy múmkin.
Áńgime 1610 jyly jaryq kórgen Sidereus nuncius astronomiialyq traktaty jaiynda bolyp otyr. Ol 2014 jyly kitaphanadan urlanǵan, biraq basshylyqqa joǵalǵany týraly habarlaý úshin tórt jyldan astam ýaqyt qajet boldy.
Osy merzim ishinde kitaphana katalogynda traktat urlyqshy ornyna qaldyrǵan jalǵan nusqasyna qaramastan, túpnusqa retinde sanalyp kelgen.
2018 jyldan bastap Ulttyq politsiianyń arnaiy bólimshesi qujattyń joǵalǵanyn tergeýde. Is boiynsha basty kúdikti - 2004 jyly qujatqa qyzyǵýshylyq tanytqan jáne 2007 jyly kitaphanadan eki kartany urlaýǵa qatysqan Ýrýgvai azamaty.
Galileo Galilei - óz zamanynyń ǵylymyna aitarlyqtai áser etken italiialyq fizik, mehanik, astronom, filosof, matematik. Ol alǵashqylardyń biri bolyp aspan denelerin baqylaý úshin teleskopty qoldandy jáne birqatar kórnekti astronomiialyq jańalyqtar ashty.
