يتالييالىق استرونوم گاليلەو گاليلەي (1564-1642) دايىنداعان تراكتات يسپانييانىڭ ۇلتتىق كٸتاپحاناسىنان ۇرلانعان, دەپ حابارلايدى El Pais گازەتٸ.
باسىلىمنىڭ جازۋىنشا, كورولدٸكتٸڭ نەگٸزگٸ قوعامدىق كٸتاپحاناسى تٶرت جىل بويى قۇجاتتىڭ جوعالىپ كەتكەنٸن جاسىرعان, ونىڭ قۇنى 800 مىڭ ەۋرو بولۋى مٷمكٸن.
ەڭگٸمە 1610 جىلى جارىق كٶرگەن Sidereus nuncius استرونومييالىق تراكتاتى جايىندا بولىپ وتىر. ول 2014 جىلى كٸتاپحانادان ۇرلانعان, بٸراق باسشىلىققا جوعالعانى تۋرالى حابارلاۋ ٷشٸن تٶرت جىلدان استام ۋاقىت قاجەت بولدى.
وسى مەرزٸم ٸشٸندە كٸتاپحانا كاتالوگىندا تراكتات ۇرلىقشى ورنىنا قالدىرعان جالعان نۇسقاسىنا قاراماستان, تٷپنۇسقا رەتٸندە سانالىپ كەلگەن.
2018 جىلدان باستاپ ۇلتتىق پوليتسييانىڭ ارنايى بٶلٸمشەسٸ قۇجاتتىڭ جوعالعانىن تەرگەۋدە. ٸس بويىنشا باستى كٷدٸكتٸ - 2004 جىلى قۇجاتقا قىزىعۋشىلىق تانىتقان جەنە 2007 جىلى كٸتاپحانادان ەكٸ كارتانى ۇرلاۋعا قاتىسقان ۋرۋگۆاي ازاماتى.
گاليلەو گاليلەي - ٶز زامانىنىڭ عىلىمىنا ايتارلىقتاي ەسەر ەتكەن يتالييالىق فيزيك, مەحانيك, استرونوم, فيلوسوف, ماتەماتيك. ول العاشقىلاردىڭ بٸرٸ بولىپ اسپان دەنەلەرٸن باقىلاۋ ٷشٸن تەلەسكوپتى قولداندى جەنە بٸرقاتار كٶرنەكتٸ استرونومييالىق جاڭالىقتار اشتى.
