QR Ulttyq banki Aqsha-kredit saiasaty departamentiniń direktory Jandos Shaimardanov 2021 jylǵy mamyrdaǵy iskerlik belsendilik indeksine túsinik berdi, dep habarlaidy "Ult aqparat".
«Alynǵan baǵalaý nátijesi boiynsha iskerlik belsendilik indeksi mamyrda 0,6 ulǵaiyp, 51,1 (sáýirde – 50,5) qurady.
Bul ulǵaiýǵa qyzmet kórsetý sektoryndaǵy kórsetkishtiń 52,3-ke deiin (sáýirde – 50,7) artýy áser etti. Sonymen qatar ónerkásip pen qurylystaǵy kórsetkishter 49,6-ǵa jáne 47,5-ke deiin tómendedi (sáýirde – 50,4 jáne 48,0).
Onyń aitýynsha, 2021 jylǵy mamyrda respondentter elde biznes júrgizý jaǵdailarynyń jaqsarǵanyn atap ótken.
«Qazirgi biznes-jaǵdailaryn baǵalaý jónindegi jaýaptar teńgerimi 4,3 (sáýirde – 3,7) boldy. Kásiporyndar ónimge/qyzmetke suranysty, kommýnikatsiialarǵa jáne qarjyǵa/kreditterge qoljetimdilikti oń baǵalady, salyq júktemesi men biznesti qorǵaý máseleleri teris baǵa aldy.
Kásiporyndardyń kelesi 6 aidaǵy bolashaq biznes-jaǵdailaryna qatysty optimizmi tómendedi: olardy baǵalaý 17,2 (sáýirde – 20,1) boldy. Nátijesinde ekonomika boiynsha biznes ahýaly indeksi azdap nasharlap, 10,7 (sáýirde – 11,8) boldy.
2021 jylǵy mamyrda saýalnamaǵa 459 kásiporyn qatysty: qurylysta – 67, ónerkásipte – 173, qyzmetterde – 219», - dedi J.Shaimardanov.
