video kadry
Iemendik stýdent hostelde shyqqan órt týraly aityp berdi, - dep habarlaidy Tengrinews.kz saity.
Ál-Farabi atyndaǵy QazUÝ meditsina fakýltetiniń stýdenti Ahmed Faiiz Ahmed Al-Gobeidiń aitýynsha, bólmelerdiń birinde matras órtenýi múmkin.
"Tańǵy saǵat 5-te shý men aiǵaidy estidik. Keibir málimetter boiynsha, jertóledegi matras órtengen. Biraq onyń qai jerde ekenin bilmeimin. Biz tólqujattarymyz ben kúrtelerimizdi alyp, dalaǵa shyqtyq", - dedi sheteldik stýdent.
Sondai-aq, ol keibiri qoiý tútinnen dalaǵa shyǵa almai qalǵanyn aitty.
"Bólmemiz aldyńǵy esiktiń qasynda bolǵandyqtan, tútin bolǵan kezde syrtqa shyǵyp úlgerdik. Alaida, aldyńǵy esikten ary turǵandar – ishte adasyp qaldy. Bireýler terezelerdi ashyp, sol arqyly syrtqa shyqty", - dep bólisti stýdent.
Stýdent bul hostelge "ýniversitet jáne jataqhanamen kelisim boiynsha" ornalastyrylǵanyn aitty.
Eske sala keteiik, 30 qarashada tańerteń Almatyda Ádi Sháripov kóshesindegi hostelde órt shyǵyp, aldyn ala málimet boiynsha 13 adam qaza tapty.
