ۆيدەو كادرى
يەمەندٸك ستۋدەنت حوستەلدە شىققان ٶرت تۋرالى ايتىپ بەردٸ, - دەپ حابارلايدى Tengrinews.kz سايتى.
ەل-فارابي اتىنداعى قازۇۋ مەديتسينا فاكۋلتەتٸنٸڭ ستۋدەنتٸ احمەد فاييز احمەد ال-گوبەيدٸڭ ايتۋىنشا, بٶلمەلەردٸڭ بٸرٸندە ماتراس ٶرتەنۋٸ مٷمكٸن.
"تاڭعى ساعات 5-تە شۋ مەن ايعايدى ەستٸدٸك. كەيبٸر مەلٸمەتتەر بويىنشا, جەرتٶلەدەگٸ ماتراس ٶرتەنگەن. بٸراق ونىڭ قاي جەردە ەكەنٸن بٸلمەيمٸن. بٸز تٶلقۇجاتتارىمىز بەن كٷرتەلەرٸمٸزدٸ الىپ, دالاعا شىقتىق", - دەدٸ شەتەلدٸك ستۋدەنت.
سونداي-اق, ول كەيبٸرٸ قويۋ تٷتٸننەن دالاعا شىعا الماي قالعانىن ايتتى.
"بٶلمەمٸز الدىڭعى ەسٸكتٸڭ قاسىندا بولعاندىقتان, تٷتٸن بولعان كەزدە سىرتقا شىعىپ ٷلگەردٸك. الايدا, الدىڭعى ەسٸكتەن ارى تۇرعاندار – ٸشتە اداسىپ قالدى. بٸرەۋلەر تەرەزەلەردٸ اشىپ, سول ارقىلى سىرتقا شىقتى", - دەپ بٶلٸستٸ ستۋدەنت.
ستۋدەنت بۇل حوستەلگە "ۋنيۆەرسيتەت جەنە جاتاقحانامەن كەلٸسٸم بويىنشا" ورنالاستىرىلعانىن ايتتى.
ەسكە سالا كەتەيٸك, 30 قاراشادا تاڭەرتەڭ الماتىدا ەدي شەرٸپوۆ كٶشەسٸندەگٸ حوستەلدە ٶرت شىعىپ, الدىن الا مەلٸمەت بويىنشا 13 ادام قازا تاپتى.
