Egemendi elemizdiń qol jetkizgen strategiialyq jetistikteri men qalyptasqan berik ekonomikalyq negizi - Elbasymyzdyń sarabdal saiasatynyń arqasy. Memleket basshysy halyqtyń basyn biriktirip, bir oi-maqsatqa toǵystyrdy. Memleketimizde el damýy jolynda tarihi mańyzy zor qurylymdyq, konstitýtsiialyq reformalar júrgizilip keledi. Elimizdi jańǵyrtý jóninde qajetti baǵdarlamalyq bastamalar jasaldy.
Qazaqstannyń bolashaǵy qashanda halyqtar arasyndaǵy tatýlyqpen tikelei bailanysty. Memleketimizdiń saiasi júiesindegi mańyzdy element - barlyq ulystardyń múddesin biriktirgen, ultyna qaramastan azamattardyń quqyqtary men bostandyqtaryn múltiksiz saqtaýdy qamtamasyz etý. Osy baǵyttaǵy saiasi turaqtylyq pen tatýlyqtyń kórinisi kóne shahar, búginde jańa oblystyń ortalyǵy Túrkistanda qonystanǵan 46 etnostyń ókilderi arasynda nyq qalyptasqan. Mundaǵy etnosaralyq qarym-qatynas, ultaralyq shielenis máselelerin aldyn alý jumystaryn júrgizý men birlikti birizdilikke salýda qalalyq Qoǵamdyq keńes, Qazaqstan Halyqtar Assambleiasy janyndaǵy qalalyq «Qoǵamdyq kelisim» keńesi jáne azamattyq qoǵam institýttary qalalyq ishki saiasat bólimimen birlesken túrde túbegeili úilestirip otyrady.
Elimizde búginde memlekettik organdardyń úkimettik emes sektormen yntymaqtastyǵyn damytýǵa da airyqsha nazar aýdaryldy. Turǵyndardyń áleýmettik máselelerin sheshýge úkimettik emes uiymdardy tartý úshin jergilikti memlekettik mekemeler arqyly áleýmettik tapsyrystar qalyptastyrylyp, jumystar óz nátijesin berýde.
Ulttyq tilderdi, mádeniet pen halyq ádet-ǵurpyn damytýdy ultaralyq kelisimdi nyǵaitýdy múdde tutqan qaladaǵy 3 etnomádeni ortalyq («Qalalyq ózbek mádeni ortalyǵy», «Ońtústik Qazaqstan oblystyq slavian mádeni ortalyǵynyń filialy», «Ahyska» Túrik mádeni ortalyǵy») pen qurylymdyq baǵytyna qarai 20 qoǵamdyq birlestikter turaqty jumys atqarýda. Sonymen qatar, otbasy institýtyn nyǵaitý arqyly qoǵamdyq kelisimmen el birligin qamtamasyz etý, otbasylyq qundylyqtardy dáripteý maqsatynda Túrkistan qalalyq Assambleiasy janyndaǵy «Analar keńesi» qurylyp, urpaq tárbiesi, jasóspirimder arasyndaǵy qylmys pen quqyqbuzýshylyq syndy máselelerdiń aldyn alý baǵytynda, qoǵamda qyzý talqylanyp júrgen qyz-kelinshekterdiń máselelerine qatysty is-shara uiymdastyrýdy úzdiksiz júzege asyrady.
Ishki saiasat salasynyń mańyzdy qyzmetindegi memlekettik baǵdarlamalyq qujattardy túsindirýdegi baǵyttyń biri - ideologiialyq jumystar. Ideologiialyq jumysty júieli júrgizýde aqparattyq-nasihattyq toptardyń róli zor. Osy baǵytta biylǵy jyly qalada lektorlar men ǵalymdardan qurylǵan 17 aqparattyq-nasihattyq toptyń Qazaqstan Respýblikasynyń Prezidenti N.Á.Nazarbaevtyń 2018 jylǵy 10 qańtardaǵy «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» atty Joldaýyn jáne 5-shi naýryzdaǵy «Prezidenttiń bes áleýmettik bastamasy» atty halyqqa Úndeýin, taiaýda 5-qazandaǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýyn nasihattaýda, Elbasynnyń tapsyrmalaryn júzege asyrýdy túsindirýge arnalǵan sharalary óz jemisin berýde.
Elbasy Joldaýy men baǵdarlamalaryn nasihattaýdyń quraly retinde 3000 ǵa jýyq kitapshalar, qala men eldi mekenderde 60-qa jýyq taqyryptyq kórneki-úgit quraldary ornalastyryldy.
Jergilikti buqaralyq aqparat quraldary men aqparattyq-nasihattyq toptar arqyly turǵyndardyń jergilikti atqarýshy organnyń memlekettik baǵdarlamalardy júzege asyrýǵa baǵyttalǵan jumystaryn, birinshi qajettilik taýarlaryna baǵany ustap turý, kommýnaldyq qyzmetterdiń úzdiksiz jumysyn baqylaý boiynsha shtabtardyń qoldanǵan sharalary týraly aqparattandyrý aimaqta jaǵymdy baǵdar qalyptastyrdy.
Tolyq máninde aqparattyq saiasatty júrgizý úshin buqaralyq aqparat quraldarymen qalalyq ishki saiasat bóliminde tyǵyz bailanys ornatylǵan. Baspasóz qyzmetteriniń buqaralyq medianyń ókilderimen seminar-treningter ótkizilse, jergilikti 7 gazet, 1-telearnaǵa merzimdi monitoring júrgizilip otyrady. Aqparattyq memlekettik saiasatty qamtamasyz etý, meilinshe mańyzy zor qoǵamdyq-saiasi, mádeni, ekonomikalyq oqiǵalardy jariia etý jergilikti jáne oblystyq BAQ-men memlekettik tapsyrys aiasynda jáne taqyryptyq media-josparlar aiasynda júzege asyrylady.
Memleket basshysynyń «Bolashaqqa baǵdar: rýhani jańǵyrý» baǵdarlamalyq maqalasynda qoǵamdyq sanany jańǵyrtýǵa aiqyndalǵan: básekelik qabilet; pragmatizm; ulttyq biregeilikti saqtaý; bilim kýlti; Qazaqstannyń revoliýtsiialyq emes, evoliýtsiialyq damýy; sananyń ashyqtyǵy atty 6 basymdyqty júzege asyrýda arnaiy qurylǵan top pen komissiianyń jetekshiligi-men árbir baǵytta is-sharalar júzege asyrylýda.
Joǵaryda atalǵan jobalardy júzege asyrý strýktýrasy boiynsha «Týǵan jer» arnaiy jobasynyń aiasynda «Tárbie jáne bilim», «Rýhani qazyna», «Atameken», «Aqparat tolqyny» atty 4 kishi baǵdarlamalar qurylǵan. Osy baǵdarlamalardyń aiasynda júrgizilgen jumystar óz nátijesin kórsetýde.
Túrkistan qalasynda din salasyndaǵy turaqtylyqty qamtamasyz etý maqsatynda birqatar jumystar jolǵa qoiylǵan. Máselen, din máseleleri jónindegi 18 adamnan quralǵan aqparattyq-nasihat toptary qaladaǵy úilesimdi konfessiiaaralyq qarym-qatynasty qalyptastyrýǵa, nyǵaitýǵa, halyqtyń dini saýatyn arttyrýǵa, dini ekstremizm men terrorizmniń aldyn alýǵa baǵyttalǵan nasihat túsindirý jumystaryn júzege asyrýda 170 kezdesý uiymdastyrǵan.
Jýyrda oblystyń ortalyǵy bolǵan tusta Túrkistanda qurylǵan Qazaqstan Musylmandary Dini basqarmasynyń turaqty jumys isteitin ókildigimen josparly jumystar jasalyp, oblystyq Din isteri basqarmasy «Din máselelerin zertteý ortalyǵy» MKM-niń teolog mamandary men qalalyq ishki saiasat bóliminiń uiymdastyrýymen dini turaqtylyqtyń aiasyndaǵy is-sharalar jandandyrylýda.
Memlekettik rámizderdi nasihattaý boiynsha qalalyq ishki saiasat bóliminiń josparly jáne maqsatty jumystary júrgizilýde. Osy baǵytta qaladaǵy barlyq mekemelerdegi memlekettik rámizderdiń talapqa sai ornalastyrylýy qadaǵalanyp otyrady. Sonymen qatar Memlekettik Rámizderdiń 26 jyldyǵy, memlekettik simvoldardy ulyqtaý maqsatyndaǵy mereke biylǵy jyly erekshe formatta jańadan boi kótergen «Rámizder alańynda» qala turǵyndarynyń qatysýymen ótkizildi.
Jalpy qoǵamdyq-saiasi jaǵdailarda turaqtylyqty nyǵaitý jáne mańyzdy qujattardy túsindirý, halyq pen jergilikti bilik arasyndaǵy qatynasty qalyptastyrý - qalalyq ishki saiasat bóliminiń qyzmetiniń negizinde osy jáne ózge de mindetter jatyr.
B.BÝKEBAEV,
Túrkistan qalalyq ishki saiasat bóliminiń basshysy.
