Ishki ister ministri Erlan Turǵymbaev ishki ister organdaryn qajet emes fýnktsiialardan bosatý jumystaryn baiandady, dep habarlaidy QazAqparat.
«Memleket basshysy ishki ister organdaryn qajet emes fýnktsiialardan bosatýdy tapsyrdy. Ótken jyly 72 nysan berildi. Olardyń qatarynda qalalyq, aýdandyq ákimdikter, meditsinalyq jáne basqa da nysandar bar. Osy jyly taǵy 581 nysan beriledi. Nátijesinde 3 myń politsiianyń shtattyq birligi bosatylady», - dedi E. Turǵymbaev Senattaǵy politsiia qyzmetine qatysty Úkimet saǵatynda.
Sonymen qatar ministrkóshi-qon qyzmetiniń keibir fýnktsiialaryn Eńbek jáne halyqty áleýmettik qorǵaý ministrligine berý máselesine toqtaldy.
«Búginde kóshi-qon politsiiasy 60 qyzmetti júzege asyrady. Onyń kóbi politsiiamen bailanysty emes. Mysaly, bosqyndarmen jumys, olarǵa áleýmettik kómek kórsetý, eńbek immigranttaryna jeke tulǵalarǵa jaldanyp jumys isteýge ruqsat berý. Kóp jaǵdaida, ruqsat berý fýnktsiiasy - jergilikti ákimshilik quzyrynda. Al zańsyz kóshi-qonmen kúres, qujattandyrý, vizalyq jumys, readmissiia jáne azamattyq berý fýnktsiialary ishki ister organdarynda qalady», - dedi ol.
