Meditsinalyq uiymdardy qan komponentterimen tolyq qamtamasyz etý úshin «Qan tapsyryńyz, álemde ómir impýlsi bolsyn» degen lozýngpen jazǵy donorlyq qan aktsiiasy ótkizildi, dep habarlaidy Polisia.kz.
Qyzmetkerler IIM-niń aýmaǵynda ornalasqan qan men onyń komponentterin qaýipsiz tapsyrý úshin barlyq jaǵdai jasalǵan qan ortalyǵynyń mamandandyrylǵan avtobýsynda tapsyrdy.
Aktsiia kúni IIM ortalyq apparatynyń 60-qa jýyq qyzmetkeri qan tapsyrdy. Qan ortalyǵyna 26 litr qan jiberildi.
IIM Esirtki qylmysyna qarsy is-qimyl departamenti basqarmasy bastyǵynyń orynbasary Liýbov Dosqalieva turaqty donor bolyp kele jatqandardyń biri. Qan hirýrgiialyq operatsiialar jasaý jáne kúiikke shaldyqqan naýqastarǵa kómek kórsetý kezinde qajet, sondai-aq onkologiialyq naýqastardyń ómirin saqtaýǵa jáne basqa aýrýlardy emdeýde úlken ról atqarady. Donorlyq qan qorlaryn demalys jáne jyl mezgilderine qaramastan turaqty túrde tolyqtyrý – adamdardyń ómiri men densaýlyǵyn saqtaýdyń kepili. Sondyqtan ministrlik qyzmetkerleri donorlyq aktsiialarǵa qatysýdy dástúrge ainaldyrǵan.
– Men úshin qan tapsyrý óte mańyzdy. Óitkeni donor rásim úshin bergen 450 millilitr bireýdiń ómirin saqtap qalýy múmkin, – deidi Esirtki qylmysyna qarsy is-qimyl departamentiniń qyzmetkeri Riza Tóleýbai.
Óz kezeginde QR DSM Transfýziologiia ǵylymi-óndiristik ortalyǵynyń meditsina qyzmetkerleri Ishki ister ministrliginiń donorlaryna alǵys bildirdi.
