Ishki ister ministrliginde 1500-ge tarta basshylyq laýazym shtaty qysqartyldy, dep habarlaidy "Ult aqparat".
«Ishki ister minsitrligindegi reformanyń birinshi baǵyty – osy ýaqytqa deiin aitylǵandai shtattyq sandy ońtailandyrý. Biz myń jarymǵa tarta basshylyq laýazym shtatyn qysqarttyq. Shtat sanyn 11 paiyzǵa azaittyq. Alaida qysqartýǵa túsken adamdardyń barlyǵy jumyssyz qalǵan joq. Olar bári qyzmetterin jalǵastyryp jatyr», - dedi Ishki ister vitse-ministri Aleksei Kalaichidi «Habar 24» arnasyna bergen suhbatynda.
Vitse-ministrdiń aitýynsha, shtatty qysqartýdan túsken aqsha basqa quqyq qorǵaýshylardyń ailyǵyn kóterýge jumsalǵan.
«Quqyq qorǵaýshylardyń ailyǵy 20-65 paiyz aralyǵynda ósti. Sonymen birge, quqyq qorǵaýshylardy oqytyp shyǵaratyn 12 Joǵary oqý ornynyń úzdik degen beseýin qaldyrdyq. Politsiia qyzmetkerleri budan bylai tek JOO-larda ǵana daiyndalady», - dedi ol.
