QR Ishki ister vitse-ministri Aleksei Kalaichidi qaǵazbastylyqtan arylý úshin vedomstvoda atqarylyp jatqan sharalar jóninde baiandady, dep habarlaidy "Ult aqparat".
«Qańtar-aqpan ailarynda Ulttyq ekonomika, Qarjy ministrlikteriniń usynysymen mańyzdy fýnktsionaldyq taldaý júrgizdik. Nátijesinde bizdiń qurylymda esep berýdiń, qajetsiz jinalystardyń tym kóp ekenin, sol úshin qyzmetkerlerdiń kúnde 2-3 saǵat joǵaltatyn anyqtadyq. Onyń saldarynan, azamattarymyz der kezinde sapaly qyzmet almaidy, qajetti mamanǵa júgine almaidy», - dep atap ótti vitse-ministr «Habar 24» arnasyna bergen suhbatynda.
Onyń aitýynsha, vedomstvodaǵy esep berý jumystary úsh esege qysqartyldy.
«Vedomstvolyq esep berýdi 105-ten 35-ke deiin qysqarttyq. Jinalystar tek dúisenbi kúni ǵana ótetin boldy jáne onyń uzaqtyǵy 1 saǵattan aspaýy tiis. Bul qyzmetkerlerdi biýrokratiiadan qutqaryp, óz qaramaǵyndaǵy qyzmetke tolyq kirisýine múmkindik beredi», - dedi A. Kalaichidi.
