QR IIM búgin jańa servis – «102» mobildi qosymshasyn iske qosty. Bul týraly vedomstvo basshysy Erlan Turǵymbaev óziniń Facebook paraqshasynda jazdy, dep habarlaidy "Ult aqparat".
IIM basshysy bul qosymshanyń politsiia qyzmetkerleriniń oqiǵalar men azamattardyń habarlamalaryna jedel áreket etý maqsatynda jasalǵanyn atap ótti.
«Ministrlik aldynda turǵan mindetterdiń biri – zamanaýi tehnologiialyq, azamattardyń senimine ie ishki ister organdary júiesin qurý. Búgin «Halyq únine qulaq asatyn memleket» tujyrymdamasyn iske asyrý aiasynda biz resmi túrde halyqqa yńǵaily jańa servis – «102» mobildi qosymshasyn iske qosamyz. Aqparattyq tehnologiialardyń qazirgi damý deńgeiinde kez kelgen aqparat tez taralady. Politsiianyń azamattardyń habarlamalaryna den qoiýy da osyndai tez bolǵanyn qalaimyz. Kún saiyn búkil respýblika boiynsha politsiianyń jedel basqarý ortalyqtarynyń operatorlary 102-arnaǵa kelip túsken 10 myńǵa jýyq habarlamaǵa jaýap beredi. Sonymen birge, oqiǵa týraly aqparat politsiiaǵa emes, áleýmettik jelilerge jiberiletin jaǵdailar da kezdesedi. Ádette, túrli oqiǵalardyń kýágerleri fotosýretterdi nemese videolardy óz paraqshalaryna salady nemese tanymal pablikterge jiberedi. Bul oqiǵalardy bizdiń mamandar áleýmettik jelilerdi baqylaý kezinde anyqtaidy. Bul rette politsiia qyzmetkerleri quqyq buzýshylyqtyń jolyn kesý nemese qylmysty «izin sýytpai» ashý úshin paidalanýǵa qajet bolatyn qymbat ýaqytty joǵalady», - dep jazdy ministr.
Sonymen birge, ministr mobildi qosymshany paidalanýdyń artyqshylyqtary týraly aitty. Bul – oqiǵalar týraly qysqa habarlamalar men foto, videolar jiberý múmkindigi jáne oqiǵa ornynan tikelei beineqońyraý shalýǵa bolady, bul JBO operatoryna ne bolyp jatqanyn kórýge jáne dereý tiisti sharalar qabyldaýǵa múmkindik beredi.
«Qosymsha arqyly sybailas jemqorlyq, politsiia qyzmetkeri tarapynan jasalǵan bopsalaý faktisine tap bolǵan jaǵdaida, IIM-niń Ózindik qaýipsizdik qyzmetine de júginýge bolady. Qosymshanyń kómegimen jáne birlesken kúsh-jigerimizdiń arqasynda politsiianyń jedel áreket etýi, qylmystardy ashýdaǵy tiimdilik artady jáne kóptegen quqyq buzýshylyqtardyń aldyn alýǵa bolady dep kútemiz. Eger ózińizge nemese ózgelerge qaýip tónip tur dep oilasańyz, mas adamnyń rólge otyrǵanyn kórseńiz, zorlyq-zombylyqtyń kýási bolsańyz, janýarlarǵa qatygezdik jasalyp jatqanyn kórseńiz, kúdikti adamdy baiqasańyz, dereý habarlańyz. Tek birlesken kúsh-jigerimizben ǵana quqyqbuzýshylyqqa tózbeitin jáne qaýipsiz qoǵam quramyz», - deidi Ishki ister ministri.
Jańa yńǵaily servis azamattarǵa 1 aqpannan bastap qoljetimdi. Qosymshany Android júiesindegi smartfondarǵa arnalǵan Play Market-ten jáne IOS júiesindegi smartfondarǵa arnalǵan App Store-dan júkteýge bolady.
