Rýslan Jaqsylyqov ishki ister ministriniń orynbasary, Ulttyq ulannyń Bas qolbasshysy bolyp taǵaiyndaldy, - dep habarlaidy "Ult aqparat" Aqorda saityna silteme jasap.
"Memleket basshysynyń ókimimen Rýslan Fatihuly Jaqsylyqov Qazaqstan Respýblikasy ishki ister ministriniń orynbasary, Ulttyq ulannyń Bas qolbasshysy qyzmetine taǵaiyndaldy, ol Qazaqstan Respýblikasy Ulttyq ulanynyń Bas qolbasshysy qyzmetinen bosatyldy", - delingen habarlamada.
Rýslan Jaqsylyqov 1966 jyly 4 naýryzda Almaty oblysynyń Qaskelen qalasynda qyzmetshiler otbasynda dúniege kelgen.
1996 jyly Frýnze atyndaǵy Áskeri akademiiany komandalyq-shtabtyq jedel-taktikalyq áskeri barlaý mamandyǵy boiynsha bitirdi.
2004 jyly Resei Federatsiiasy QK Bas shtaby Áskeri akademiiasynyń Joǵary akademiialyq kýrsyn bitirgen. Mamandyǵy-memlekettiń áskeri qaýipsizdigi.
2003 jyly Shymkent qalalyq máslihatynyń úshinshi shaqyrylymynyń depýtaty bolyp sailandy.
1987 jyldan 2006 jylǵa deiin Qazaqstan Respýblikasy IIM vzvod komandirinen Ishki áskerler qurama komandirine deiin ártúrli laýazymdarda qyzmet atqardy.
2006-2007 jyldary-IIM Ishki áskerleri qolbasshysynyń orynbasary.
2007-2008 jyldary - Qazaqstan IIM Ishki áskerler qolbasshysynyń birinshi orynbasary-Ishki áskerler Bas shtabynyń bastyǵy.
2008 jylǵy 4 qyrkúiekten bastap - IIM Ishki áskerleriniń qolbasshysy.
2013 jylǵy 22 qańtardan bastap - IIM Ishki áskerleriniń Bas qolbasshysy.
2014 jylǵy 24 sáýirden bastap Qazaqstan Respýblikasy Ulttyq ulanynyń Bas qolbasshysy.
Áskeri ataǵy - general-leitenant.
