Búgin májilistiń jalpy otyrysynan keiin ishki ister ministri Erlan Turǵymbaev tilshilerge Jańaózendegi jaǵdaiǵa qatysty pikir bildirdi, dep habarlaidy "Ult aqparat".
«Bir top adam Qytaidyń 55 kásiporny salynady eken degenge senip, alańǵa shyqty. Búgingi tańda bul aqparat jalǵan ekeni anyqtaldy jáne eshqandai Qytaidyń kompaniiasy salynbaidy. Árine, birlesken kásiporyndar bar jáne Qytai investitsiiasy bar. Biraq áleýmettik jelilerde jalǵan aqparat taralyp ketti. Onyń zańsyz ekenin aitqym keledi. Eger zańsyz mitingke shaqyrýshylar bolsa, onda ishki ister organdary bul iske aralasady. Ázirge qoǵamdyq tártipti buzýǵa qatysty eshqandai derek tirkelgen joq. Bári tynysh», - dedi Turǵymbaev.
Ministr Jańaózende oblys ákiminiń azamattarmen kezdesýi ótip, halyqqa túsindirý jumystaryn júrgizgenin atap ótti.
Aita keteiik, 2 qyrkúiekten beri Mańǵystaý oblysynda ornalasqan Jańaózen qalasynda miting ótip jatyr. Halyqtyń talaby - Qytaidyń 55 kásiporny salynbasyn degen.
