Prezidenttiń Kómekshisi - Qaýipsizdik Keńesiniń hatshysy Áset Isekeshevtiń tóraǵalyǵymen Memleket basshysynyń tapsyrmalaryn iske asyrý – qylmystyq protsestiń úsh býyndy modeline kóshý jáne politsiianyń servistik modelin engizý jónindegi jumys keńesi ótti, dep habarlaidy "Ult aqparat" IIM silteme jasap.
Keńes barysynda Qaýipsizdik Keńesiniń hatshysy Memleket basshysynyń Qazaqstan halqyna Joldaýynda qoiylǵan quqyq qorǵaý salasyndaǵy mindetterdiń iske asyrylý barysymen tanysty.
Ol qylmystyq protsesti jańǵyrtý jónindegi pilottyq jobanyń búkil elge masshtabtalǵanyn atap ótti. Bul sondai-aq qylmystyq is júrgizý zańnamasyna tiisti túzetýlermen bekitilgen. Osy oraida bul jumystyń jergilikti jerlerde qanshalyqty durys uiymdastyrylǵanyn túsiný mańyzdy.
Almatyda qylmystyq protsestiń úsh býyndy modelin engizý qalai ótip jatqany týraly qala prokýrorynyń mindetin atqarýshy Nazarbai Ibraimoldaev aityp berdi.
«2021 jyly Almaty politsiiasy qylmystyq ister boiynsha 30 225 protsessýaldyq sheshim qabyldady, onyń 24 708-i prokýrormen kelisilip, bekitildi. Iaǵni, «prokýrorlyq súzgi» azamattardyń quqyqtaryn buzý sanyn 38% - ǵa azaitýǵa múmkindik berdi», - dedi Ibraimoldaev.
Keńes aiasynda Áset Isekeshevke qylmystyq isterdi júrgizýdiń jańa formaty, qyzmetkerlerdiń jumys oryndaryn jabdyqtaý jáne óńdeletin derekterdiń qaýipsizdigin qamtamasyz etý ádisteri kórsetildi.
«Qazir Almaty politsiia departamentinde qylmystyq isterdi elektrondy formatta júrgizý úshin 375 jumys orny jabdyqtalǵan. E-formatty qoldaný politseilerdiń jumysyn ashyq etedi, al derekterdi qorǵaý boiynsha paidalanylatyn tehnologiialar qylmystyq iste qujattardyń burmalanýyna jáne aýystyrylýyna jol bermeid», - dedi Almaty PD bastyǵy Qanat Taimerdenov.
Elektrondyq format qabyldanatyn sheshimderdi kelisý protsesin jeńildetýge jáne jyldamdatýǵa, sybailas jemqorlyq táýekelderin tómendetýge jáne tergeý sapasyn jaqsartýǵa múmkindik berdi.
Sondai-aq, Qaýipsizdik Keńesiniń hatshysy Almatynyń jol qaýipsizdigin baqylaý júiesiniń jumysymen tanysty. Júie Almaty PD jedel basqarý ortalyǵyna shoǵyrlandyrylǵan 2 myńnan astam beinekameradan turady.
Ekinshi máseleni talqylaýǵa kóshken Áset Isekeshev politsiianyń servistik modelin pilottyq rejimde engizý protsesi elimizdiń úsh óńirinde júzege asyrylyp jatqanyn aitty. Onyń aitýynsha, Almaty elimizdiń eń iri qalasy bolyp tabylady jáne munda pilotty iske asyrýǵa jaýapkershilikpen qaraý mańyzdy.
«Quqyq buzýshylyqtyń aldyn alýdyń qazirgi zamanǵy júiesin qurý tásilderi men politsiianyń servistik modelin el Prezidenti janyndaǵy Quqyq qorǵaý jáne sot júielerin reformalaý jónindegi komissiia maquldady.
Sondyqtan sizder politsiianyń servistik úlgisi jumysynyń negizgi qaǵidattaryn, ondaǵy ákimdiktiń, basqa da memlekettik organdar men jurtshylyqtyń rólin túsinýlerińiz qajet.
Sizder pilottyq aýmaqtyń keiin memleket pen qoǵamnyń áriptestigine negizdelgen qalanyń qaýipsizdik júiesiniń vizittik kartochkasy bolyp tabylatyn Almaty qalasynyń búkil aýmaǵynda jinaqtalǵan tájiribeni tirajdaý úshin bazalyq aýdan bolatynyn túsinýlerińiz qajet.
Bul rette, qazirdiń ózinde eń kriminogendi aýdandardaǵy qylmystyń naqty kórinisin qalyptastyrý jáne búkil qala boiynsha sharalar keshenin anyqtaý úshin sarapshylarmen, quqyq qorǵaý organdarynyń ardagerlerimen, jobalyq keńse aiasynda sarapshylarmen jumysty kúsheitý qajet: qajet bolǵan jerlerde beinekameralar qoiý, ýchaskelik pýnktter sanyn arttyrý, patrýldeýdi kúsheitý, jaryqtandyrýdy jaqsartý», - dep atap ótti Isekeshev.
Ol quqyqtyq tártip deńgeiin odan ári arttyrý boiynsha sapaly jumys júrgizý qajettigin atap ótip, birqatar naqty tapsyrmalar berdi.
Keńeske Bas prokýror Ǵizat Nurdáýletov, Ishki ister ministri Erlan Turǵymbaev, Prezident Ákimshiliginiń Qaýipsizdik jáne quqyq tártibi bóliminiń meńgerýshisi Aleksei Kalaichidi jáne Almaty qalasynyń quqyq qorǵaý organdarynyń basshylary qatysty.
